१ तीमोथेउ 3:6 - ॱलोवा

⁶ खो धेपाला साम्‍बा ग्‍युरवा मी हुङये मेतालाक घीझ्‍येरी ॱनाना खो पोवा केरी धी़कगी क्षेपा नाङला ल्‍हीम थुप्‍कीलाक।

१ तीमोथेउ 3:6 Iomraidhean Croise

लुका 10:18

येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।

१ कोरीन्‍थुपा 3:1

पी़नक्‍याओ, ङा खेक्‍यामुला सेम्‍ङीगी मीमुला लाब ताङगीन च्‍योक्‍रे, लाब ताङ ॱमाथुक्‍जुङ हीना जीक्‍तेनगी मी धेनी मास्‍यीकागी नाङ टुवा ॱमाङ्याकक्‍याला लाब ताङगीन च्‍योक्‍रे ताङ थुक्‍जुङ।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

१ तीमोथेउ 3:7

फीदी मीक्‍यागी तादाङदुवा, खो शाङा हो़गीनगी ङेन्‍डा हुङघो़गीलाक। देरे मेन्‍ना खो ङोजा धाङ धी़कगी ॱङीपला छी़येगी ङेन्‍का हो़तालाक।

१ तीमोथेउ 6:4

खो ङागेलगी खारी घीया ॱमेस्‍येलालाक। खो फेन ॱमेथोक्‍कीन लाबला खा थाबालाक धेनी छीक-छीकला शीम्‍दी धुगा ताङयेगी दो़क्षाक श्‍यालाक। धेनी देरेक्‍याई राङ ठादोक धाङ चो़लीङ धाङ ॱमेबेप धाङ दोक्‍पा ङेन्‍पा साक्‍ये

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

१ पेटो 5:5

दुक झ्‍येरीराङ, श्‍यो़न्‍पाक्‍याओ, गेम्‍पाक्‍याई होकला धो़क। खेक्‍या घीरी ॱङ्यामच्‍युङगी थोक्‍ने, च्‍यीकगी च्‍यीकला श्‍याप्‍ची श्‍यी़ घीझ्‍येरी ॱनाना, “को़न्‍क्षोकगी ङागेल क्षेक्‍याला ङोलोक जेदालाक, हीना ॱङ्यामच्‍युङक्‍याला थुक्‍जे जेदालाक।”

२ पेटो 2:4

घीझ्‍येरी ॱनाना नाम्‍खे भाङछेनक्‍याई धीक्‍पा झ्‍यीदी घाङला, को़न्‍क्षोकगी खुङक्‍याला ॱलो़ ताङा माजेपालाक हीना खुङक्‍याला ॱङ्यावादु ॱयुक जेपालाक। धेनी ठीम्‍चो़गी ङीमा थुक्‍पेगी क्षीला च्‍याक्‍थाकगी धाम्‍दी, मी़नाकगी नाङला श्‍याक जे हो़तालाक।

युदा 1:6

धेनी राङगी गेनगी घोक्‍जा ॱमारुङा, राङगी धेजा ॱङोमागो पाङपा नाम्‍खे भाङछेनक्‍याला, को़न्‍क्षोकगी मी़नाकगी नाङला थामेगीन च्‍याक्‍डोक ग्‍याप्‍ती, ठीम्‍चो़गी ङीमा क्षे थुक्‍पे श्‍याजे हो़तालाक।