१ तीमोथेउ 3:1 - ॱलोवा

¹ “क्षो़छोकगी तातोक्‍पा झ्‍युङङी दो़गीनगी, ले शाङा च्‍यीक दो़दालाक” ॱनागीन लाब दे ॱलो खेलादुक।

१ तीमोथेउ 3:1 Iomraidhean Croise

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

जेपा 1:20

“धा, सुङगुरगी धेपला देरे ढीक हो़तालाक, ‘होदेगी खाङबा तोङबा थो़न्‍दास्‍योक, होदेरु सुवा माधेदास्‍योक। धेनी होदेगी झ्‍यीगीन लेगागी आङजा, श्‍येम्‍मागी राङ लेन्‍दास्‍योक।’”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

रोमापा 11:13

धा ङा खे याहुदापा मेन्‍गीनक्‍याला देक्‍या ॱनाहीन। याहुदापा मेन्‍गीनक्‍याई क्षीदु ङा कुछाप च्‍यीक झ्‍येरी, ङा ङारी श्‍याप्‍चीला थोङक्षे चीलीहो़क।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 4:9

दे ताम दे, ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक।

२ तीमोथेउ 2:11

दे ताम दे ॱलो खेलादुक, “होराङ खोङबामुला स्‍यी हो़ना, खोङबा मुलाराङ सो़न्‍गीलाक।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।

१ पेटो 4:15

हीना खेक्‍याने सुवाः ॱरोक चेगीन याङना कुमा कुगीन याङना ङेन्‍पा झ्‍यीगीन याङना थेप्‍तोक झ्‍यीगीनला च्‍योक्‍रे दुक्‍पु माङ्याङा स्‍योक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।