१ तीमोथेउ 2:8 - ॱलोवा

⁸ साज्‍या घीरीदु केवे-फोक्‍याई श्‍येताङ धाङ चो़पा ॱमालाङा, लाक्‍पा चाङमा याला क्‍याङदी ॱमो़लाम धेप्‍येला, ङा दो़दीहो़क।

१ तीमोथेउ 2:8 Iomraidhean Croise

मेथा 21:21

धेनी येशुगी खुङक्‍याला कालेनदु सुवालाक, “ङा खेक्‍याला धेन्‍पाराङ ॱनाहीन, दोक्‍पा मीझ्‍यीदा धेपा झ्‍यीना सेयापगी दोङबो देला घी झ्‍युङगीनगो च्‍यीगा झ्‍यी थुक्‍ये मेन्‍दा, दे री देला ‘देने कोक्‍ती ग्‍याछो नाङला ल्‍हीम,’ ॱनेरी ॱनाना होदेरेराङ झ्‍युङगीलाक।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

लुका 24:50

होदे स्‍याम्‍ने येशुगी खुङक्‍याला बेथानी थुक्‍पे ठीया जेदी, राङगी क्षाक ताक्‍ती खुङक्‍याला झ्‍यीलाप ॱनावालाक।

योहान्‍ना 4:21

येशुगी मोला सुवालाक, “भोमो, ङाला यीच्‍चे झ्‍यी, दे री धाङ येरुसालेम ॱङीगाराला याप को़न्‍क्षोकगी क्षाक्‍क्षो़पा ॱमीपुगीन धी़गो स्‍यारी।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

जेपा 21:5

घीहीन्‍ना, धी़न्‍डा च्‍यीक जोक्‍ती हेक्‍या खुङक्‍याने घोङपा श्‍युरी डोये झ्‍येवी। धेनी धेपा-झ्‍यीगीन आज्‍यो-नो, ईजी-नुमु धाङ टुवा घीरी हेक्‍याला, ग्‍याजा फी थुक्‍पे क्‍यारु होवालाक। धेनी हेक्‍या घीरी ग्‍याछोगी थामारु पीमु चुक्‍ती ॱमो़लाम ग्‍याप्‍पी।

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 7:7

मी घीरी ङा च्‍योक्‍रे हो़गीनगो ङा दो़दीहो़क। हीना को़न्‍क्षोकने मी घीरीला राङगी ॱनाङज्‍यीन थोप हो़तालाक। च्‍यीकला ॱना च्‍यीक धेनी श्‍येम्‍माला ॱना श्‍येम्‍मा।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

फीलीप्‍पीपा 1:12

पी़नक्‍याओ, ङाला घी झ्‍युझ्‍यागी़ ॱङोन्‍ने झ्‍यीना, ताम्‍शाङ फेयेला फेन थोक्‍पालाक, ॱनेरी खेक्‍याई स्‍येलाझ्‍यी ॱनेरी ङा दो़दीहो़क।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

१ तीमोथेउ 5:14

होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 3:7

ख्‍योवाक्‍याओ, देरेराङ झ्‍येरी राङगी केमीमुला साम्‍लो थोङा झ्‍युरी मीछे क्‍यो। धेनी को़न्‍क्षोकगी ॱनाङना मीछेगी थुक्‍जे नाङला, ख्‍यी़मुला खुङक्‍या ग्‍युज्‍यीन हीन्‍गीन झ्‍येरी, मो रोवा क्‍योवा च्‍यीक हीन्‍ना मोला कुरती झ्‍यी। धेनी खीकी ॱमो़लामला घीयाः भारचे हुङगीमालाक।