१ तीमोथेउ 2:6 - ॱलोवा

⁶ मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

१ तीमोथेउ 2:6 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 10:45

घीझ्‍येरी ॱनाना मी-भुवाः श्‍याप्‍ची, राङला राक्‍येला मेन्‍दा श्‍येम्‍माक्‍याला पुयेला होवालाक धेनी मीमाङला थारपा ॱनाङयेला राङगी ॱरोक ॱलो़ ताङयेला होवालाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

१ कोरीन्‍थुपा 1:6

धेनी दे राङगी खेक्‍याला मास्‍यीकागी कोरला, हीकी स्‍येगीनगो धेन्‍पा लाक ॱनेरी, थाक चेदालाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

एफीसुपा 3:5

धेनी साङवा दे, एम्‍मागी मीरापला ॱङो़न्‍दु माजेपालाक हीना धान्‍दा धाम्‍पे थुक्‍ङीगी गोने, खोङबागी धाम्‍पे कुछापक्‍या धाङ ॱङो़नस्‍येखेनक्‍याला, को़न्‍क्षोकगी ॱङो़न्‍दु जेपालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

२ थेसालोनीकेपा 1:10

दे नी चोवो फेप्‍कीन ङीमाला झ्‍युङगीलाक। होदे ङीङमो खोङबाला राङगी धाम्‍पे मीक्‍याने, शीजे थोप्‍कीलाक धेनी धेपा झ्‍यीगीन घीरीने तो़पा राक्‍कीलाक। मी देक्‍या नाङ खेक्‍या छी़गीलाक घीझ्‍येरी ॱनाना खेक्‍याई हीकी तेरता पाङपोक्‍याला धेपा झ्‍येवालाक।

१ तीमोथेउ 6:15

धेनी झ्‍यीलाप्‍चेन धाङ ग्‍यावुक्‍याई, ॱलानामेपे ग्‍यावु धाङ चोवोक्‍याई चोवोगी धी़चो़ भाप्‍कीन छो़ला ॱङो़न्‍दु च्‍युक्‍कीलाक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

तीतोस 1:3

धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 9:12

धेनी रा धाङ भीक्‍याई ठाक मेन्‍दा, मास्‍यीका राङगी कुठाकगी गोने घीरीगी क्षीदु थेङ च्‍यीक्‍लाराङ धाम्‍पे धाम्‍पा ॱनेसा नाङदु फेप्‍ती, थामेपे थारपागो ॱनाङा जेपालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।