१ तीमोथेउ 2:5 - ॱलोवा

⁵ घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

१ तीमोथेउ 2:5 Iomraidhean Croise

मेथा 1:1

आब्‍राहामगी ग्‍युपा, ग्‍यावु दावीदगी ग्‍युपा, येशु मास्‍यीकागी दुङग्‍यु नी,

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

लुका 14:22

धेनी ॱयोक्‍पोगी़ ॱनेवालाक, ‘खेराङगी का ॱनाङगीन च्‍योक्‍रे झ्‍युजुङ हीना धोराङा साज्‍या माङा स्‍योङये दुक।’

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 10:12

घीझ्‍येरी ॱनाना याहुदापा धाङ याहुदापा मेन्‍गीनक्‍याई नाङ ॱयेवा मेतालाक। घीरीगी चोवो नी, च्‍यीक राङ लाक धेनी खोङगी छेन भो़गीन घीरीला झ्‍यीलाप मेछो़ली ॱनाङालाक।

१ कोरीन्‍थुपा 8:4

धा ॱहाना ल्‍हाकुन्‍डाला पुपा शामागी कोरला ॱनाना “ल्‍हाकुन्‍डा नी हो़याः मेतालाक।” धेनी “को़न्‍क्षोक च्‍यीक माना श्‍येम्‍मा मेतालाक।” ॱनेरी, होराङला स्‍येये हो़तालाक।

१ कोरीन्‍थुपा 8:6

हीना होरी क्षीदु याप को़न्‍क्षोक च्‍यीका हो़तालाक। खोङने राङ ॱङोपो घीरी झ्‍युवालाक धेनी खोङगी क्षीदुराङ होराङ छोवा क्‍यालालाक। धेनी चोवो च्‍यीक नी, येशु मास्‍यीका लाक धेनी खोङगी थोक्‍ने ॱङोपो घीरी झ्‍युवालाक धेनी खोङने होराङ छोवा क्‍यालालाक।

गालातीयापा 3:20

छोक च्‍यीक च्‍यीगा हो़ना बारमी मेघोलालाक धेनी को़न्‍क्षोक च्‍यीकराङ हीन।

एफीसुपा 4:6

धाङ को़न्‍क्षोक च्‍यीक हो़तालाक धेनी खोङ घीरीगी याप लाक। धेनी खोङबा घीरीगी थोकला धेनी घीरीगी थोक्‍ने, धाङ घीरीगी नाङ श्‍युक हो़तालाक।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 8:6

हीना धा होरी चो क्षो़पो़न येशुला धान्‍दा, क्षो़पो़न ॱङीङबागी लेगेनने ल्‍हाक, श्‍याप्‍ची शाङा थोप हो़तालाक घीझ्‍येरी ॱनाना खोङबा होरी क्षीदु को़न्‍क्षोकमुला धाम्‍चा शाङागी भारमी जेदालाक। दे धाम्‍चागो क्षो़ताम शाङाक्‍याला तेन्‍दालाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

ॱङो़न्‍पा 1:13

धाङ होदे क्‍युङक्‍याई खोकला मी-भु च्‍योक्‍रे, मी च्‍यीक श्‍याप थुक्‍पे नाशा ॱनुम्‍ना धाङ कुडाङला सेरगी कुराक ॱनुम्‍ना च्‍यीक, ङी ज्‍याजुङ।