१ तीमोथेउ 2:15 - ॱलोवा

¹⁵ घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 2:15 Iomraidhean Croise

लुका 2:7

धेनी मी़ भीजा धाङपोगो केवालाक। भीजागोला रे च्‍यीक टीरी सो़घोक नाङदु श्‍याक्‍पालाक घीझ्‍येरी ॱनाना खुङक्‍याला ॱनेचाङ ॱयारकीन माजोरपालाक।

१ कोरीन्‍थुपा 12:23

धेनी होरी ॱनाङछुङ चीगीन येन्‍लाकक्‍याला, होराङ माङा गेक्षे चीलालाक। धेनी तो़न ॱमीथुक्‍कीन येन्‍लाकक्‍याला होराङ ॱमीच्‍यीकी दाक्‍पो ग्‍यालाक।

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 2:9

होझ्‍येरीराङ केमीक्‍याई राङगी ॱरा ल्‍हेमा ॱनाछोक ल्‍हेरी, सेर धाङ मुतीक धाङ घोङ क्षे घो़ घो़न्‍दी मेन्‍दा, राङला लेन्‍दा थोङगीन ताप्‍धे धाङ यारापचेनगी घो़ घो़नघो़।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।