१ तीमोथेउ 2:1 - ॱलोवा

^1-2 धेनी धाङपोगो, ङी मी घीरी धाङ ग्‍यावुक्‍या धाङ पो़न्‍पोक्‍यागी क्षीला सोवा धाङ ॱमो़लाम धाङ श्‍योवा धाङ काटीन्‍क्षे श्‍यी़ ॱनेरी, कुलाहीन। देरे झ्‍येरी होराङ क्षोक घीरीने क्षो़सेम्‍चेन धाङ यारापचेनगी थोक्‍ने, धेवा धाङ श्‍यीझामगी मीछे पी़ थुक्‍कीलाक।

१ तीमोथेउ 2:1 Iomraidhean Croise

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

रोमापा 1:8

धाङपोगो येशु मास्‍यीकागी थोक्‍ने, ङी को़न्‍क्षोकला ङा खे घीरीगी क्षीदु काटीन्‍क्षे श्‍युवाहीन घीझ्‍येरी ॱनाना जीक्‍तेन घीरीदु, खीकी धेपागी कोरला ख्‍याप्‍दुक।

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

१ कोरीन्‍थुपा 15:3

घीझ्‍येरी ॱनाना ङाला थोप्‍था धाङपो गेक्षेस्‍योकगो, होदेरेराङला ङी खेक्‍याला स्‍येवी, दे नी सुङरापला ढीक्‍टा च्‍योक्‍रे मास्‍यीका होरी धीक्‍पागी क्षीदु ढोङा जेपालाक,

२ कोरीन्‍थुपा 8:6

होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

एफीसुपा 3:13

खीकी क्षीला ङी ङ्याङगीन दुक्‍पु दे, खेक्‍याला फेन्‍येला लाक। होझ्‍येरी खेक्‍या सेमस्‍युक ॱमाक्षाक ॱनेरी, ङा श्‍योवा पुलाहीन।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 1:3

खेक्‍याला ढेन्‍दी घाङला, ङा नाम्‍हीना ङी को़न्‍क्षोकला काटीन्‍क्षे श्‍यी़हो़क।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

१ तीमोथेउ 5:5

तातोक झ्‍यीगीन मेगीन ॱङोन्‍ने, युक्‍जामा धाङ मोरोङमा च्‍यीगा लेगीनगी, को़न्‍क्षोकला रेवा श्‍यालाक धेनी ङीन-छेन रेभो़ श्‍युलालाक धेनी सोवा ग्‍यालाक।

२ तीमोथेउ 2:24

धेनी चोवोगी श्‍यीप्‍चीवा ठुक्‍चारा हुङये मेतालाक हीना घीरीला ॱङीङजे झ्‍यीगीन धाङ ॱलाप थुप्‍कीन धेनी शो़पा घोम थुप्‍कीन,

तीतोस 2:11

को़न्‍क्षोकगी थुक्‍जे, मी घीरीगी थारपागी दो़नला झ्‍युवालाक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।