१ तीमोथेउ 1:9 - ॱलोवा

⁹ दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

१ तीमोथेउ 1:9 Iomraidhean Croise

मेथा 10:21

“पी़न च्‍यीकगी राङगी पी़न श्‍येम्‍माला सेदु च्‍युक्‍कीलाक धेनी आकीगी राङगी टुला धेनी टुवाक्‍या फामागी ग्‍यापला लाङगीलाक धेनी खुङक्‍याला सेदु च्‍युक्‍कीलाक।

रोमापा 1:30

धाङ ॱमेटा पाप्‍कीन धाङ को़न्‍क्षोकला दाङा झ्‍यीगीन धाङ मीला ॱङ्याप्‍चो़ स्‍येगीन धाङ ङागेल्‍चेन धाङ राङतो़ झ्‍यीगीन हो़तालाक। खुङक्‍या ङेन्‍पा झ्‍यीयेगी थापस्‍यी चागीन धाङ राङगी फामाला ॱमीचीगीन

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

गालातीयापा 3:19

धा हाना क्षो़ठीम ॱनाङगीनगी दो़नगो घी ले? धाम्‍चा ॱनाङना से दे ॱमाफेप्‍कीन थुक्‍पे, ङेक्‍यो़नक्‍या तो़न्‍ये क्षीला को़न्‍क्षोकगी भाङछेनक्‍यागी बारमी च्‍यीकगी थोक्‍ने, क्षो़ठीम ॱनाङा जेपालाक।

गालातीयापा 5:18

हीना खेक्‍या धाम्‍पे थुक्‍ङीगी थोक्‍ने ठीया जेना, खेक्‍या क्षो़ठीमगी वाङगी होकदु मेतालाक।

गालातीयापा 5:21

ॱङीङनाक धाङ रा शीगीन धाङ चो़पा मेगीन श्‍युक्‍टा धाङ देरे च्‍योक्‍रे लेगाक्‍या लाक। देरे झ्‍यीगीनक्‍याला को़न्‍क्षोकगी ग्‍यासीगी ग्‍युज्‍यीन थोप्‍कीमालाक, ॱनेरी ङी एन्‍ला खेक्‍याला ॱनेवी धेनी धान्‍दाः ॱनाहीन।

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

१ तीमोथेउ 4:7

क्षो़ मेगीन धाङ खुङलुङ मेगीन तामक्‍याने जेम्‍दी धो़क हीना क्षो़ झ्‍यीयेला ज्‍योङ।

१ तीमोथेउ 6:20

तीमोथेउ ओ, ख्‍यो़ला च्‍योगीनगो ॱरुङ च्‍यीक। धेनी मीक्‍याई शोक्‍पो ॱनेरी “स्‍येराप” साम्‍गीन क्षो़ला ॱमीथी़न्‍गीन, लाब धाङ क्षोमेगीन चो़पाक्‍याने जेम।

२ तीमोथेउ 2:16

क्षो़ला ॱमीथी़न्‍गीन लाबक्‍याने जेम घीझ्‍येरी ॱनाना देरेक्‍याई मीक्‍याला को़न्‍क्षोकने थाक्‍रीङा ठीक्‍कीलाक।

२ तीमोथेउ 3:2

घीझ्‍येरी ॱनाना मीक्‍या राङला क्षाक्‍कीन धाङ ॱङुला क्षाक्‍कीन, पोवा क्षे धाङ ङागेल्‍चेन, छीक चुक्‍वा ॱनागीन धाङ फामाला ॱमीचीगीन, डीन मेढेन्‍गीन धाङ क्षो़ला ॱमीचीगीन

तीतोस 1:10

मी माङक्षे श्‍येम्‍मागी होकला मेधेगीन धाङ दो़न्‍दाक मेगीन लाब ताङगीन धाङ गो कोरकीन हुङालाक। होदेक्‍याई खोक्‍ने माङक्षे, पाउ चेगीन ॱरो झ्‍यी घो़गीलाक ॱनागीन मीक्‍या लाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

ईब्‍रीपा 11:31

धेपागी गोने श्‍याङचोङमा राहाबगी, मी सोवाक्‍याला घामोमा झ्‍येरी फेप्‍सु श्‍यी़स्‍या झ्‍येरी, काला मेङेन्‍गीनक्‍यामुला मो ॱमास्‍यीवालाक।

ईब्‍रीपा 12:16

धेनी सुवाः छाक च्‍यीकगी शामागी क्षीदु, राङ भीजा क्षे हीन्‍गीनगी थोप्‍ताङगो चोङगीन एसाउ च्‍योक्‍रे, लोक्‍येम्‍पा धाङ क्षो़ मेगीन माझ्‍युङवास्‍योक।

१ पेटो 2:7

होझ्‍येरी खे धेपा झ्‍यीगीनक्‍याई क्षीदु खोङ चाक्षे लाक हीना धेपा मीझ्‍यीगीनक्‍याई क्षीदु, “चीक्‍पो़नक्‍याई पाङपा धोगो, शुरधो झ्‍युदुक।”

१ पेटो 3:20

खुङक्‍या नी नोआगी डुशीङ शोगीन धी़ला, को़न्‍क्षोकगी शो़पा झ्‍येरी घुक जेगीन घाङला, काला मेङेन्‍गीन मीक्‍या लाक। होदे डुशीङ नाङला क्षुलोकने, मी ग्‍ये माना ॱमाथारपालाक।

१ पेटो 4:18

धेनी सुङरापला देरे सुङ हो़तालाक, “ढाङतेनक्‍याई थारपाला घाक्‍वा हो़ना, मेढाङा धाङ धीक्‍चेनक्‍याला घी झ्‍युङी हो़टी़?”

युदा 1:15

धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।