१ तीमोथेउ 1:7 - ॱलोवा

⁷ देरे मीक्‍या राङगी घी ॱनागीन याङना घीन्‍गी थोकला पोबा केरी ॱनागीनगो घीया ॱहामाघोवालाः, क्षो़ठीमगी ॱलोपो़नक्‍या झ्‍युङयेगी दो़पा झ्‍यीदालाक।

१ तीमोथेउ 1:7 Iomraidhean Croise

मेथा 15:14

खुङक्‍याला या माझ्‍यी, खुङक्‍या श्‍यारागी गोठी श्‍याराक्‍या लाक। धेनी श्‍यारा च्‍यीकगी श्‍याराला ठीक्‍ना, ॱङीगारा दोङ-दोङ नाङला ल्‍हीम्‍गीलाक।”

मेथा 21:27

होझ्‍येरी खुङक्‍याई येशुला ॱनेवालाक, “हेक्‍याला स्‍येयेमेक।” धेनी खोङबागी खुङक्‍याला ॱनेवालाक, “देरे हीन्‍ना, ङा खेक्‍याला दे घीरी आङजा घाने झ्‍यीदाले ॱनेरी ॱमेस्‍ये।”

लुका 2:46

श्‍याक्‍मो सुम स्‍याम्‍ने, खुङक्‍याई येशुला क्षो़खाङ नाङदु याहुदापा क्षो़पो़नक्‍यामुला श्‍युक्‍ती, खुङक्‍याई लाब ङेन्‍दी खुङक्‍याला ढीवा ढीरी श्‍युक्‍कीनगो थुक्‍पालाक।

जेपा 15:1

होदे स्‍याम्‍ने मी रीङगा युदेयाने होरी, आन्‍तीयोक ग्‍याजागी धेपा-झ्‍यीगीनक्‍याला देरे ॱलापच्‍या तेरपालाक, “मोशेगी ॱनाङना क्षो़ठीमगी ॱरो च्‍योक्‍रे झ्‍यीये हीन्‍ना, पाउ चेदी ताक माग्‍याप्‍पा, खेक्‍याला थारपा राक थुक्‍कीमालाक।”

रोमापा 1:22

धेनी खुङक्‍या राङला खेवा हीन ॱनालाक हीना ॱयोल्‍ले ॱलेन्‍दा झ्‍युवालाक।

गालातीयापा 3:2

ङा खेक्‍याला लाब दे च्‍यीगा ढीलाहीन, खेक्‍याला क्षो़ठीमगी लेगाने धाम्‍पे थुक्‍ङी थोप्‍जो याङमेना ताम्‍शाङ घोरती धेपा झ्‍येरी थोप्‍जो?

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

गालातीयापा 4:21

खे क्षो़ठीमगी वाङगी होकला धेङी दो़गीनक्‍या, ङाला ॱनो़दाङ, क्षो़ठीमगी ॱनागीनगो खेक्‍या ॱहामेघोराई?

१ तीमोथेउ 6:4

खो ङागेलगी खारी घीया ॱमेस्‍येलालाक। खो फेन ॱमेथोक्‍कीन लाबला खा थाबालाक धेनी छीक-छीकला शीम्‍दी धुगा ताङयेगी दो़क्षाक श्‍यालाक। धेनी देरेक्‍याई राङ ठादोक धाङ चो़लीङ धाङ ॱमेबेप धाङ दोक्‍पा ङेन्‍पा साक्‍ये

२ तीमोथेउ 3:7

देरे केमीक्‍या च्‍योई ज्‍याङये थापस्‍यी झ्‍यीदालाक हीना धेन्‍पागो नामा स्‍ये ॱमीथुक्‍वालाक।

याकोब 3:1

पी़नक्‍याओ, खेक्‍याने माङक्षे ॱलोप्‍खेन माझ्‍युङ घीझ्‍येरी ॱनाना हे ॱलाप्‍कीनक्‍याला, ॱयो़ल्‍ले ल्‍हाक ठीम दाम्‍बो चेगीलाक ॱनेरी, खेक्‍या स्‍येलालाक।

२ पेटो 2:12

हीना दे मीक्‍याई राङगी ॱहामेघोगीन दो़नक्‍याला कुरवा धेप्‍पालाक। देक्‍या नी शीम्‍दी सेयेगी क्षीदु, च्‍यीगा केक्‍या रीक्‍पा मेगीन धाङ राङदो़गी च्‍यो़पा झ्‍यीगीन सेम्‍चेनक्‍या च्‍योक्‍रे लाक। धेनी सेम्‍चेनक्‍या च्‍योक्‍रे खुङक्‍याः मेताला डुगीलाक।