१ तीमोथेउ 1:5 - ॱलोवा

⁵ होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 1:5 Iomraidhean Croise

मेथा 12:35

मी शाङागी, राङगी सेम नाङदु हो़गीन शाङाने शाङा तो़न्‍दालाक धेनी मी ङेन्‍पागी, सेम नाङदु हो़गीन ङेन्‍पाने ङेन्‍पा तो़न्‍दालाक।

मेथा 5:8

सेम दाक्‍पा हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई को़न्‍क्षोकला ज्‍यागीलाक।

जेपा 15:9

धेनी खुङक्‍याई धेपागी झ्‍येरी, खुङक्‍याई धीक्‍पागोवा को़न्‍क्षोकगी चाङमा शो़ जेपालाक। खोङबागी खुङक्‍या धाङ होराङला च्‍यीक च्‍योक्‍रे चीदाङ जेदालाक।

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 24:16

होझ्‍येरी ङा को़न्‍क्षोक धाङ मीक्‍या दोङदु नोन्‍डु मीझ्‍यीदा, सेम शाङपो झ्‍येरी धेयेगी स्‍युक झ्‍यीदीहो़क।”

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

रोमापा 14:15

धा ख्‍यी़ घी शागीनगी ख्‍यी़ पी़नगी सेम ठुक्‍तु च्‍युक्‍ना, ख्‍यी़ दे झाम्‍पागी थोक्‍ने मीझ्‍यीदालाक। पी़न दी क्षीदु मास्‍यीका ढोङटा झ्‍येरी, खेक्‍याई शागीनगी खोला मेताला डोरु ॱमाचुक।

रोमापा 9:1

मास्‍यीकागी नाङ ङा धेन्‍पा ॱनीहो़क, ङा शोक ॱनामेन। ङी स्‍येशाङगी, धाम्‍पे थुक्‍ङीगी थोक्‍ने ङाला धेन्‍पाङ झ्‍यीदीक।

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 3:9

खुङक्‍या धेपागी साङवागोला स्‍येराप शाङपोगी थोक्‍ने, ॱरुङ घोगुलाक।

२ तीमोथेउ 1:3

ङी ङीन-छेनगी ॱमो़लामला, ख्‍यो़ला च्‍योई ढेन्‍सो़ झ्‍यीदी घाङला, ङा को़न्‍क्षोकला थुक्‍जेक्षे श्‍यी़लीहो़क। ङी धाङबी फामा च्‍योक्‍रे, खोङबाला ङा स्‍येराप शाङपोगी थोक्‍ने श्‍याप्‍ची श्‍यी़लीहो़क।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

तीतोस 1:15

सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्‍यीगीनक्‍याई क्षीदु, घीन्‍दाङ चाङा मेयोङालाक घीझ्‍येरी ॱनाना खुङक्‍याई साम्‍लो धाङ सेमराङ मेढाङा हुङालाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

याकोब 4:8

खेक्‍या को़न्‍क्षोकगी ङ्येला स्‍योक धेनी खोङबा खीकी ङ्येरु फेप्‍कीलाक। धीक्‍चेनक्‍याओ, राङगी लाक्‍पा चाङमा शो़। साम्‍लो ॱङी ताङगीनक्‍याओ, राङगी सेम चाङमा शो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।