१ तीमोथेउ 1:15 - ॱलोवा

¹⁵ “मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 1:15 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:11

[घीझ्‍येरी ॱनाना मी-भु तोरतोवाक्‍याला क्‍योप्‍येला फेप्‍पालाक।]

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मेथा 9:13

सोङ धेनी ‘ङा क्षो़पाला मेन्‍दा, ॱङीङजे घाई हो़क।’ ॱनागीनगी दो़न्‍दाकगो ॱहाघोरा झ्‍यी, घीझ्‍येरी ॱनाना ङा ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

मारकु 2:17

येशुगी दे सेन्‍दी खुङक्‍याला सुवालाक, “मी थाङाक्‍याला आम्‍ची मेघो़गीलाक हीना नेपाक्‍याला घो़गीलाक। ङा मी ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

लुका 15:2

धेनी फारुसीपाक्‍या धाङ क्षो़ठीमगी ॱलोपो़नक्‍या फाक्‍तुङ दुरी ॱनेवालाक, “दे मी दे धीक्‍चेनक्‍याला सी़री खुङक्‍यामुला शामा शी।”

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

लुका 5:32

धेनी ङा ढाङतेनक्‍याला मेन्‍दा, धीक्‍चेनक्‍याला राङगी धीक्‍पा पारी सेम ग्‍युरयेला भो़रु होवाहीन।”

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 12:47

ङी काक्‍या ङेन्‍दी होदे ॱरुङगीनक्‍याला ठीम ॱमेताङ। घीझ्‍येरी ॱनाना ङा जीक्‍तेनदु क्‍यो़न चुक्‍तु होवामेन, हीना जीक्‍तेन क्‍योप्‍येगी क्षीला होवाहीन।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

जेपा 11:1

धेनी कुछापक्‍या धाङ युदेयारु हो़गीनक्‍याई, याहुदापा मेन्‍गीनक्‍यागीयाः को़न्‍क्षोकगी का खेलेन झ्‍येदुक ॱनेरी ॱहाघोरपालाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

१ तीमोथेउ 1:13

धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 3:1

“क्षो़छोकगी तातोक्‍पा झ्‍युङङी दो़गीनगी, ले शाङा च्‍यीक दो़दालाक” ॱनागीन लाब दे ॱलो खेलादुक।

१ तीमोथेउ 4:9

दे ताम दे, ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

२ तीमोथेउ 2:11

दे ताम दे ॱलो खेलादुक, “होराङ खोङबामुला स्‍यी हो़ना, खोङबा मुलाराङ सो़न्‍गीलाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 5:11

धेनी पाङपोगो नी, को़न्‍क्षोकगी होराङला थामेपे छेसोक ॱनाङ हो़तालाक धेनी छे दे खोङगी से नाङ हो़तालाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।