१ तीमोथेउ 1:14 - ॱलोवा

¹⁴ होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

१ तीमोथेउ 1:14 Iomraidhean Croise

मेथा 20:9

धेनी छुची ॱङावाला होवा मीलाकक्‍या होरी खुङक्‍याला ङीन्‍घाङगी ॱलाज्‍या जोरपालाक।

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 3:10

को़न्‍क्षोकगी ङाला ॱनाङना थुक्‍जेगी गोने, ङी खाङबा शोगीन खेवा च्‍यीक च्‍योक्‍रे, खाङबी ॱमाङस्‍यीगो तीवी धेनी श्‍येम्‍माक्‍याई होदेगी खाला चीक्‍पा चीक्‍यी। हीना खाङबा चीक्‍कीन रे-रेगी, होदे चीक्‍यी घाङला दो़नाङ झ्‍यीघो़।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 5:8

हीना होराङ ङीङमोला धेगीन झ्‍येरी चाङजे झ्‍ये धेनी धेपा धाङ झाम्‍पागी ठाब धाङ थारपागी रेवागी च्‍याकश्‍या घो़न।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 1:13

मास्‍यीका येशुगी नाङ हो़गीन धेपा धाङ झाम्‍पागी गोने, ख्‍यो़ ङाने घोरकीन ॱलापच्‍या धेन्‍पाक्‍या तेन्‍पो ॱरुङ च्‍यीक।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

तीतोस 2:2

मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

ॱङो़न्‍पा 22:21

चोवो येशुगी थुक्‍जे, मी घीरीमुला ॱनेवास्‍योक। आमेन।