१ तीमोथेउ 1:13 - ॱलोवा

¹³ धेनी ङाला ॱङीङजे थोप्‍जुङ घीझ्‍येरी ॱनाना होदे घीरी धेपा मेती घाङला, ङी ॱमास्‍येवा झ्‍येवालाक।

१ तीमोथेउ 1:13 Iomraidhean Croise

लुका 12:47

“खोरी दाक्‍पोगी थेगीनगो ॱहाघोतीयाः डाढीक माझ्‍येवा, दाक्‍पोगी थेगीन च्‍योक्‍रे मीझ्‍यीगीन ॱयोक्‍पोला दुङदाक छाप्‍क्षे फोक्‍कीलाक।

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

जेपा 22:4

चोवोगी लामला डुगीन मीक्‍याला स्‍यीये थुक्‍पे ङी दुक्‍पु तावी। केवे ख्‍योवा धाङ केमीक्‍याला शीम्‍दी, ङी चो़न्‍खाङला दाक्‍तु च्‍युक्‍पी।

जेपा 3:17

“ङी रोवाक्‍याओ, ङाला क्षाहो़क, खेराङ धाङ खेराङक्‍याई पो़न्‍पोक्‍याई राङ घी झ्‍यीगीनगो ॱहामाघोरा, येशुला सेपालाक।

जेपा 8:3

हीना साउलगी क्षो़छोक मेताला ताङयेला, नाङ-नाङला सोरी भीजा धाङ भोमो घीरीला ढी़दी सोरी आटा नाङदु दाक्‍तु च्‍युक्‍पालाक।

जेपा 9:1

साउल धोराङा चोवोगी ङेनेक्‍याला, सेयेला जीक्‍टा कुली हो़तालाक। धेनी खो चो क्षो़पो़नचारु सोरी, चोवोगी लामला डोगीन ङेने फो-मो घीरीला शीम्‍दी, येरुसालेमला ठीक्‍ती हुङयेला दामासेकोगी छोक्‍खाङक्‍याई पो़न्‍पोक्‍याला छोक्‍चेनगी यीक्‍चा श्‍यी़वालाक।

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

जेपा 9:5

“चोवो, राङ सु हीनो?” ॱनेरी साउलगी ढीवालाक। धेनी खोङबागी सुवालाक, “ङा नी ख्‍यी़ दुक्‍पु ताता येशु हीन।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

१ कोरीन्‍थुपा 7:25

धा भोमो नाच्‍युङमाक्‍याई कोरला चोवोगी का ङाला मेक, हीना ङा चोवोगी थुक्‍जेगी गोने ॱलो काथुक्‍कीन मी च्‍यीक झ्‍येरी, ङारी साम्‍जु स्‍येदाहीन।

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

फीलीप्‍पीपा 3:6

धेनी क्षो़ला स्‍युक्‍क्षे चीगीनला ताना, ङा नी क्षो़छोकला दुक्‍पु ताङगीन धेनी क्षो़ठीम नाङगी ढाङतेनगी कोरला ॱनाना, ङा क्‍यो़न मेगीन मी च्‍यीक हीन।

१ तीमोथेउ 1:16

हीना ङा धीक्‍चेनगी चो झ्‍येरीया, को़न्‍क्षोकगी ङाला थुक्‍जे शीक्‍ती, मास्‍यीका येशुगी राङगी याङदाक्‍पे शो़पागी पे झ्‍युङयेला, ङाला भेचो़ ॱनाङजुङ। देरे झ्‍येरी मी श्‍येम्‍माक्‍यागीया खोङला धेपा झ्‍येरी, थामेपे छेसोक थोप्‍कीलाक ॱनेरी ॱहाघोरकीलाक।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।