१ थेसालोनीकेपा 5:6 - ॱलोवा

⁶ होझ्‍येरी श्‍येम्‍माक्‍या च्‍योक्‍रे, होराङ ॱङी लोक्‍ती माधेता चाङजे झ्‍येरी, छो़ शीम्‍दी धेदु।

१ थेसालोनीकेपा 5:6 Iomraidhean Croise

मेथा 13:25

हीना मीक्‍या ङ्यारी धेती घाङला, खी़ डा होरी ढोगी साङक्‍याला युक्‍पु ताप्‍ती सोवालाक।

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 25:5

धा माक्‍पागो हुङयेला गोरती, खुङ घीरी ॱङीगी शीरी ङ्यारी धेपालाक।

मेथा 26:38

धेनी खोङबागी खुङक्‍याला सुवालाक, “ङी सेम सेम्‍दुकगी झ्‍येरी, स्‍यीस्‍या च्‍योक्‍रे झ्‍युदुक। खेक्‍या दुरु ङीमुला ॱङी मालोक्‍वा धो़क।”

मारकु 13:37

खेक्‍याला ॱनागीन च्‍योक्‍रे ङा मी घीरीला ॱनाहीन, ॱङी मालोक्‍वा धो़क।”

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 12:39

हीना खेक्‍याला दे क्षा हुङघो़गीलाक, कुमु हुङगीन धी़चो़गो दाक्‍पोला एन्‍दुरु क्षा हो़ना, खी़ खोरी नाङदु कुमु ज्‍युरु च्‍युक्‍ये मेक।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

लुका 22:46

धेनी खोङबागी खुङक्‍याला सुवालाक, “खेक्‍या घीझ्‍येरी ङ्यारी धेदाले? लोङ धेनी छो़ताला ॱमीछी़येगी क्षीदु सोवा ग्‍योप।”

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

१ कोरीन्‍थुपा 16:13

च्‍याङजे झ्‍यी। धेपाला तेन्‍पो ॱनेती धो़क धेनी ॱलोगोक क्षे धाङ स्‍युक क्षे झ्‍युङ।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 4:5

खीकी च्‍यो़पा ॱङ्यामच्‍युङ हो़गीनगो, मी घीरीला स्‍येरु च्‍युक। चोवो फेप्‍ये हीन्‍गीनगो ङ्येदुक।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ थेसालोनीकेपा 4:13

हीना पी़न्‍दाक्‍याओ, रेवा मेगीन मी श्‍येम्‍माक्‍या च्‍योक्‍रे दुङा माझ्‍यीवास्‍योक ॱनेरी मास्‍यीकावा रे ढोङना, होदेगी कोरला खेक्‍याला धेन्‍पा झ्‍येरी स्‍येयेला हेक्‍याई दो़पा हो़क।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

१ थेसालोनीकेपा 5:8

हीना होराङ ङीङमोला धेगीन झ्‍येरी चाङजे झ्‍ये धेनी धेपा धाङ झाम्‍पागी ठाब धाङ थारपागी रेवागी च्‍याकश्‍या घो़न।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 2:9

होझ्‍येरीराङ केमीक्‍याई राङगी ॱरा ल्‍हेमा ॱनाछोक ल्‍हेरी, सेर धाङ मुतीक धाङ घोङ क्षे घो़ घो़न्‍दी मेन्‍दा, राङला लेन्‍दा थोङगीन ताप्‍धे धाङ यारापचेनगी घो़ घो़नघो़।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

तीतोस 2:6

दे च्‍योक्‍रे श्‍यो़न्‍पाक्‍याला साम्‍लो थोङा झ्‍युङयेला, ॱलोप्‍चुङ ग्‍याप घो़गीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 3:2

ॱङी सो़ धेनी जोक्‍ये हीन्‍गीन धाङ ल्‍हाक्‍मा ल्‍हाक्‍लागोला तेन्‍पो शो़ घीझ्‍येरी ॱनाना ङी खेक्‍याई लेगाक्‍या, को़न्‍क्षोकगी चेङारदु माडुप्‍कीनगो ॱङेजुङ।