१ थेसालोनीकेपा 5:27 - ॱलोवा

²⁷ दे यीक दे पी़न्‍दा घीरीगी दोङदु ढोक्‍रोझ्‍यी ॱनेरी, चोवोगी छेनने ङा कुलाहीन।

१ थेसालोनीकेपा 5:27 Iomraidhean Croise

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 19:13

धेनी साजा-साजाक्‍याला ढु ग्‍याप्‍ती, ॱनो़पा तो़न्‍दी डुगीन याहुदापा रीङगागीयाः चोवो येशुगी छेनने ॱनो़पाक्‍या तो़न्‍ये थापस्‍यी झ्‍येवालाक। खुङक्‍याई ॱनो़पाक्‍याला, “पाउलुगी सुङगीन येशुगी छेनने ङा ख्‍यो़ला थो़न्‍दी सोङ ॱनेरी का तेराहीन।” ॱनेरी ॱनालाक।

कोलोसेपा 4:16

दे यीक दे, खेक्‍याई ॱलोक छारती लाउदीकेपाक्‍याई क्षो़छोकला ॱलोक्‍तु च्‍युक धेनी लाउदीकेयाने कुका यीक गोवा खेक्‍या ॱलोक।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

२ थेसालोनीकेपा 3:14

सी़ च्‍यीकगी हीकी यीक देगी ॱलापच्‍याला दो़नाङ ॱमेतेरना, होदे मीला ङो स्‍येलाझ्‍यी धेनी खोला ङोछारु च्‍युक्‍येला खी़मुला ढेवा घीन्‍दा माझ्‍यी।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 5:7

सी़या खुङक्‍याला क्‍यो़न्‍जुक ॱमेकायेगी क्षीला, खुङक्‍याला दे ॱलापच्‍याक्‍या ॱलोप।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।