१ थेसालोनीकेपा 5:2 - ॱलोवा

² घीझ्‍येरी ॱनाना छेमु कुमा हुङगीन च्‍योक्‍रे, चोवोगी ङीमा हुङगीलाक ॱनेरी, खेक्‍या घामोमा स्‍येलालाक।

१ थेसालोनीकेपा 5:2 Iomraidhean Croise

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

१ थेसालोनीकेपा 5:4

हीना खे पी़नक्‍या मी़नाक्‍पाला मेधेगीन झ्‍येरी, चोवोगी ङीमा दे कुमा च्‍योक्‍रे हुङना खेक्‍या ॱहा मेलेगीलाक।

२ थेसालोनीकेपा 2:2

चोवोगी ङीमा ॱलेप्‍दुक ॱनेरी ॱनागीन ॱङो़नस्‍ये धाङ ताम धाङ हीकी स्‍योकने हीन्‍ढु ॱनेरी, यीक रे हुङना, लेल्‍हामोमाला खेक्‍याई सेम ठुक्‍ती माजीक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।