१ थेसालोनीकेपा 5:14 - ॱलोवा

¹⁴ पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ थेसालोनीकेपा 5:14 Iomraidhean Croise

मेथा 12:20

खी़ छाक्‍पु दाम्‍बु ॱमेचाक्‍कीलाक धेनी स्‍यीये झ्‍यीगीन मेगी दोङरेला ॱमेसेगीलाक। धेनी थाला ढाङतेनगी ठीमला ग्‍यारु च्‍युक्‍कीलाक।

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

जेपा 20:27

घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 14:1

धेपाला क्‍योवा हो़गीन, मीला खेलेन झ्‍यी हीना खी़ साम्‍जुक्‍याई खाला चो़लीङ झ्‍यीये मालाक।

१ कोरीन्‍थुपा 4:14

खेक्‍याला ङोछारु च्‍युक्‍येला, ङी दे ढीयामेन हीना ङी चेवे टुवाक्‍या च्‍योक्‍रे, खाता ॱलाप्‍येला ढीयाहीन।

१ कोरीन्‍थुपा 8:7

घीहीनाः मी घीरीला दे स्‍येयो़न मेयोङालाक। हीना मी रीङगाला ल्‍हाकुन्‍डा क्षो़येगो घोम्‍सासा झ्‍युरी, खुङक्‍या हुरे शामा शी घाङला ॱङोन्‍ने कुन्‍डाला पुपा लाक ॱनेरी सामालाक। धेनी खुङक्‍याई साम्‍लोगो क्‍योवा झ्‍युरी, खुङक्‍या ॱमेचाङा झ्‍युङालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

२ थेसालोनीकेपा 3:15

घीहीन्‍ना खोला डा च्‍योक्‍रे ॱमीचीला, पी़न्‍दा चीरी खाता ॱलोप।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 1:10

मी माङक्षे श्‍येम्‍मागी होकला मेधेगीन धाङ दो़न्‍दाक मेगीन लाब ताङगीन धाङ गो कोरकीन हुङालाक। होदेक्‍याई खोक्‍ने माङक्षे, पाउ चेगीन ॱरो झ्‍यी घो़गीलाक ॱनागीन मीक्‍या लाक।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

ईब्‍रीपा 12:12

होझ्‍येरी खेक्‍याई थाङ क्षेछा लाक्‍पाक्‍या क्‍योङ धेनी दारती धेता पी़मुक्‍या स्‍युक्‍क्षे शो़।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।