१ थेसालोनीकेपा 5:11 - ॱलोवा

¹¹ होझ्‍येरी खेक्‍याई धान्‍दा थुक्‍पे झ्‍यीगीन च्‍योक्‍रे, पी़न च्‍यीकगी च्‍यीकला सेम्‍सो पोर धेनी धेपाला स्‍युक क्षेरु डोयेला रोवा झ्‍यी।

१ थेसालोनीकेपा 5:11 Iomraidhean Croise

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

१ कोरीन्‍थुपा 10:23

खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक हीना घीरी फेन ॱमेथोक्‍वालाक। खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक, हीना घीरीगी यारके ॱमेताङालाक।

१ कोरीन्‍थुपा 14:12

देरेराङ झ्‍येरी खेक्‍या धाम्‍पे थुक्‍ङीगी ॱनाङज्‍यीनक्‍या थोप्‍येगी क्षीदु दो़पा क्षे झ्‍युङगीन झ्‍येरी, खेक्‍याः क्षो़छोक यारके ताङयेगी ॱनाङज्‍यीनक्‍या चायेला ची़न्‍डी़ झ्‍यी।

१ कोरीन्‍थुपा 14:29

ॱङो़नस्‍येखेन ॱङी याङना सुमगी ॱङो़न स्‍येघो़ धेनी मी माप्‍चीक्‍याई, खुङक्‍याई स्‍येगीनगोला घामोमा ताक्‍चा झ्‍यीघो़।

१ कोरीन्‍थुपा 14:5

खेक्‍या घीरी केरीक श्‍येम्‍मागी थोक्‍ने, लाब ताङगीनगो ङा दो़दीहो़क हीना देले ल्‍हाक ॱङो़न स्‍येगीनगो दो़दीहो़क। क्षो़छोक यारके ताङयेगी क्षीदु केरीक श्‍येम्‍मा स्‍येगीनगी दो़न सी़या ॱमेटोना, केरीक श्‍येम्‍माला स्‍येगीन ने, ॱङो़न स्‍येगीनगो खाक्‍क्षे लाक।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।

१ थेसालोनीकेपा 4:18

होझ्‍येरी च्‍यीकगी च्‍यीकला ताम दे स्‍येदी सेम्‍सो पोर।

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

२ पेटो 1:12

होझ्‍येरी खेक्‍याई दो़न देक्‍या ॱहाघोरका धाङ खेक्‍याला हो़गीन धेन्‍पाला तेन्‍पो हो़नाः, ङा खेक्‍याला च्‍योई देक्‍या ढेन्‍सो़ ॱलाङयेहीन।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।