१ थेसालोनीकेपा 4:8 - ॱलोवा

⁸ होझ्‍येरी दे लाबला ॱमीचीगीनक्‍या मीगी ॱलापच्‍याला मेन्‍दा, धाम्‍पे थुक्‍ङी ॱनाङगीन को़न्‍क्षोकला ङोलोक झ्‍यीदालाक।

१ थेसालोनीकेपा 4:8 Iomraidhean Croise

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

योहान्‍ना 12:48

ङाला ङोलोक झ्‍यीगीन धाङ ङी काक्‍या खे मेलेन्‍गीनक्‍याला ठीम्‍पो़न च्‍यीक हो़तालाक। ङी स्‍येगीन क्‍यागीराङ, थामे ङीमाला होदेगी ठीम ताङगीलाक।

जेपा 13:41

‘खे ॱमेटा पाप्‍कीनक्‍याओ, ॱहाङसा झ्‍यी धेनी मेताला सोङ! घीझ्‍येरी ॱनाना खेक्‍याई धी़चो़ला ङा देरे लेगा च्‍यीक झ्‍यीयेहीन, होदे लेगागी कोरला सी़या खेक्‍याला ॱनानाः खेक्‍याई धेपा झ्‍यीगीमालाक।’”

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

१ कोरीन्‍थुपा 7:40

हीना ङी साम्‍लोला, मो मोरोङमा राङ धेना मोला ॱयो़ल्‍ले कीदा झ्‍युङगीलाक। धेनी ङी दे ॱनी घाङला, ङा खेक्‍याला को़न्‍क्षोकगी थुक्‍ङी गोने ॱलोप्‍तो़न तेरी हो़क ॱनेरी, ङी साम्‍लो हो़क।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।

१ योहान्‍ना 3:24

को़न्‍क्षोकगी का ॱरुङगीनगो, खोङगी नाङ ॱनेलालाक धेनी खोङबाः खी़ नाङ श्‍युक्‍वालाक। धेनी खोङबा होरी नाङदु श्‍युक्‍कीनगो, खोङगी ॱनाङना धाम्‍पे थुक्‍ङीगी थोक्‍ने होरी स्‍येलालाक।

युदा 1:8

दुक झ्‍येरीराङ देरे मीक्‍या राङगी ॱमीक्‍लामला तेन्‍दी, राङगी ली़ला ॱमेचाङा झ्‍यीदालाक धेनी चोवोगी आङजा खेमेलेन्‍दालाक धेनी नाम्‍खे भाङछेनक्‍याला कुरवा धेबालाक।