१ थेसालोनीकेपा 4:7 - ॱलोवा

⁷ को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।

१ थेसालोनीकेपा 4:7 Iomraidhean Croise

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

गालातीयापा 5:19

धा धीक्‍चेन राङश्‍यीगी लेगाक्‍या सावो हो़तालाक। देक्‍या लोक्‍येम धाङ दो़क्षाकगी, लेगा धाङ दो़क्षाक घागीन धाङ

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 4:19

खुङक्‍याई ङोजा घीरी पारी दो़छाकला छी़दुक धेनी ले ॱमेचाङा ॱनाछोक झ्‍यीयेला, खुङक्‍या दो़पा क्षे झ्‍युदुक।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

२ पेटो 2:10

धेनी ॱमीक्‍सेदु मीला नोगीन दो़क्षाकला क्षाक्‍कीन धाङ आङजाला थोङछुङ झ्‍यीगीनक्‍याला, चोवोगी ठीम्‍चो़गी ङीमा थुक्‍पे छेपा होकदु श्‍या जेगीलाक। देक्‍या नी, पोबा क्षे धाङ ग्‍योङा झ्‍येरी शीजेचेनक्‍याला ॱमेटा ताङयेला, खुङक्‍या जीक्‍टा मीझ्‍यीदालाक।