१ थेसालोनीकेपा 4:17 - ॱलोवा

¹⁷ धेनी होराङ सो़न्‍पो हो़गीन धाङ लेगीनक्‍या चोवोला ॱनामला ज्‍यायेला खुङक्‍यामुला ॱरीङ नाङदु ठीया जेगीलाक धेनी होराङक्‍या चोवोमुला च्‍योई ॱनेगीलाक।

१ थेसालोनीकेपा 4:17 Iomraidhean Croise

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 14:3

धेनी ङा सोरी खीकी क्षीला धेजा डाढीक झ्‍येसारती, ङा धाब्‍ले हुङयेहीन। धेनी खेक्‍याला ङा हो़जारु ठीक्‍ती डोयेहीन। धेनी ङा घारु हो़जारु, खेक्‍याः हुङगीलाक।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

जेपा 1:9

हो़जो़ सुङा जेदी होदेक्‍याई तेरी धेदाराङ, येशु ॱनाम स्‍योकला खेरा जेपालाक। धेनी खोङबाला ॱरीङबागी काप्‍ती, खोङबा होदेक्‍याई थोङसाने ये जेपालाक।

जेपा 8:39

खुङ ॱङीउ क्षुने फीला थो़न्‍दी घाङला, चोवो को़न्‍क्षोकगी थुक्‍ङीगी फीलीपला लाम्‍साङ खेरती सोवालाक। धेनी होदे ॱङुङेरगी, धाब्‍ले खोला नामा ॱमाथोवालाक हीना खो ॱमीच्‍यीकी ङ्यामो घी-घी सोवालाक।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

फीलीप्‍पीपा 1:23

ङा दे ॱङीउगी खोक्‍दु छी़दी धेहो़क। ङा दे जीक्‍तेनने दारी, मास्‍यीकामुला झ्‍युङयेगो ङी दो़पा हो़क घीझ्‍येरी ॱनाना दे ॱमीच्‍यीकी घा दुक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 4:15

हेक्‍या खेक्‍याला चोवोगी काने देरे ॱनाहीन, चोवो फेवी घाङला सो़न्‍पो हो़गीनक्‍या ढोङसागीनक्‍या ले एन्‍ला को़न्‍क्षोकगी डुङदु मेडोगीलाक।

१ थेसालोनीकेपा 4:18

होझ्‍येरी च्‍यीकगी च्‍यीकला ताम दे स्‍येदी सेम्‍सो पोर।

१ थेसालोनीकेपा 5:10

होराङ सो़न्‍पो धेना स्‍यी हो़ना खोङबा मुलाराङ धेयेला, खोङबा होरी क्षीला ढोङ जेपालाक।

२ पेटो 3:13

हीना खोङबागी धाम्‍चाला तेन्‍ती, ढाङतेन ॱनेसा नाम्‍खे श्‍यीङखाम साबा धाङ साश्‍यी साबाला, होराङक्‍या घुक्‍ती धेतालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 11:12

धेनी नाम्‍खे श्‍यीङखामने, खुङक्‍याला देरे सुङगीन सुङकेक क्षे च्‍यीक, खुङक्‍याई घोरपालाक, “दुरु याला स्‍योक।” धेनी खुङक्‍या नाम्‍खे श्‍यीङखाम स्‍योकला, ॱरीङबा नाङला फेप्‍पालाक धेनी खुङक्‍याई डाक्‍याई खुङक्‍याला तेरी धेबालाक।

ॱङो़न्‍पा 12:5

धेनी होदे भोमोगी़ मीरीक घीरीला च्‍याकगी भेक्‍योकगी वाङग्‍युर झ्‍यीये हीन्‍गीन, भीजा च्‍यीक केवालाक। धेनी मी़ भीजागो को़न्‍क्षोक धाङ खोङबागी श्‍युक्‍ठीगी दोङदु याला खेरपालाक।