१ थेसालोनीकेपा 4:16 - ॱलोवा

¹⁶ घीझ्‍येरी ॱनाना चोवो खोङबाराङ नाम्‍खे श्‍यीङखामने, सुङकेक क्षे धाङ को़न्‍क्षोकगी भाङछेनक्‍याई भो़टाक धाङ को़न्‍क्षोकगी दुङक्षेगी केकमुला फेप्‍कीलाक। धेनी चोवो येशुला धेपा झ्‍येरी, ढोङगीनक्‍या एन्‍ला सो़न्‍पो ग्‍युरकीलाक।

१ थेसालोनीकेपा 4:16 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

१ कोरीन्‍थुपा 15:18

धा देरे हीन्‍ना मास्‍यीकाला धेपा झ्‍येरी, ढोटोवाक्‍या मेताला सोवालाक।

१ कोरीन्‍थुपा 15:20

हीना मास्‍यीका ॱङोन्‍नेराङ छीवाने कुसो़न्‍पो श्‍याङा जेपालाक धेनी खोङ नी, ढोरी सोसाक्‍याने सो़न्‍गीन ढेबु धाङपोगो लाक।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 3:11

धा होरी याप को़न्‍क्षोक धाङ होरी चोवो येशुगीराङ, हेला खेक्‍याचारु डोयेला लाम डाढीक ॱनाङवास्‍योक।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 8:13

धेनी ङी तेवी धेनी ॱनामला फुरती ग्‍युक्‍कीन, ॱलाक च्‍यीक केक क्षेला, देरे ॱनागीनगो ङी घोरजुङ, “धा नाम्‍खे भाङछेन श्‍येम्‍मा सुमगी भी़ये हीन्‍गीन दुङक्षेनगी दुङकेकगी झ्‍येरी, जीक्‍तेनगी मीक्‍याला ॱङ्यावाली, ॱङ्यावाली, ॱङ्यावाली!”

ॱङो़न्‍पा 8:2

धेनी को़न्‍क्षोकगी डुङदु श्‍युक्‍कीन नाम्‍खे भाङछेन धी़नगो, ङी थोजुङ। धेनी खुङक्‍याला दुङक्षेन धी़न ॱनाङजुङ।