१ थेसालोनीकेपा 4:14 - ॱलोवा

¹⁴ घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

१ थेसालोनीकेपा 4:14 Iomraidhean Croise

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 4:13

हीना पी़न्‍दाक्‍याओ, रेवा मेगीन मी श्‍येम्‍माक्‍या च्‍योक्‍रे दुङा माझ्‍यीवास्‍योक ॱनेरी मास्‍यीकावा रे ढोङना, होदेगी कोरला खेक्‍याला धेन्‍पा झ्‍येरी स्‍येयेला हेक्‍याई दो़पा हो़क।

१ थेसालोनीकेपा 4:17

धेनी होराङ सो़न्‍पो हो़गीन धाङ लेगीनक्‍या चोवोला ॱनामला ज्‍यायेला खुङक्‍यामुला ॱरीङ नाङदु ठीया जेगीलाक धेनी होराङक्‍या चोवोमुला च्‍योई ॱनेगीलाक।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”