१ थेसालोनीकेपा 4:11 - ॱलोवा

¹¹ हेक्‍याई खेक्‍याला ॱलापच्‍या तेरकीन च्‍योक्‍रे, खेक्‍या श्‍येम्‍मागी दो़न्‍दाकला थेरु माग्‍युक्‍वा, राङगी मीछेगो जाबोमा क्‍यो धेनी राङगी लाक्‍पागीराङ काल्‍ले झ्‍यी।

१ थेसालोनीकेपा 4:11 Iomraidhean Croise

मारकु 13:34

दे नी मी च्‍यीक खोरी नाङ ॱयोक्‍पोक्‍याला ची ग्‍याप्‍ती, खोराङ ढु ग्‍याप्‍तु डुगीन च्‍योक्‍रे लाक। दाक्‍पोगी़ खोरी ॱयोक्‍पोक्‍याला मीरी-मीरी लेगा कुरी, धेनी घोरेगोला ॱङी मालोक्‍वा धो़क ॱनागीलाक।

जेपा 18:3

होदे मीक्‍या घुर शोगीन लेगा झ्‍येरी मीछे पी़लालाक। धेनी पाउलु खोराङ घुर शोगीन मी झ्‍येरी, खोवा खुङक्‍यामुला धेदी लेगा झ्‍येवालाक।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

रोमापा 12:11

लेमेलाम्‍गीन झ्‍युरी माधे हीना ख्‍यो़री सेम तीङने, चोवोला श्‍याप्‍ची श्‍यी़।

रोमापा 15:20

धेनी मी श्‍येम्‍मागी तीङ सासा ॱमाङस्‍यीगी खाला, खाङबा ॱमीचीक्‍येगी क्षीदु ङी च्‍योई मास्‍यीकागी छेन ॱमेस्‍येगीन, साजाक्‍याला च्‍यीगा ताम्‍शाङ स्‍येयेगी दो़पा श्‍याक्‍पी।

१ कोरीन्‍थुपा 4:12

धेनी राङगी लाक्‍पी लेगा झ्‍येरी काल्‍ले ग्‍यावाहीन। धेनी मी श्‍येम्‍मागी ॱमेमो ग्‍याराङ, हेक्‍या ॱमो़लाम श्‍यी़हो़क। श्‍येम्‍मागी हेक्‍याला दुक्‍पु तेराराङ, हेक्‍या शो़पा घोमीहो़क।

२ कोरीन्‍थुपा 5:9

होझ्‍येरी हेक्‍या ली़ला हो़ना याङना खा ढाना, खोङबाला थुक घेरु च्‍युक्‍येगोराङ हीकी ॱमीक्‍यु लाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

१ तीमोथेउ 5:13

देचो़ च्‍यीगा मेन्‍दा खुङक्‍या लेमेलाम्‍गीन झ्‍युरी, खीमने खीमदु ख्‍याम्‍दी लेमेलाम्‍गीन च्‍यीगा मेन्‍दा, ठामा ग्‍याप्‍कीन धाङ झ्‍यी़दोक झ्‍यीगीन धाङ ॱनाये मेगीन लाबक्‍या ॱनागीन झ्‍युङालाक।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

१ पेटो 3:4

हीना खीकी शाप्‍टो नी, खेरी सेम नाङदु येरी मेडोगीन ज्‍याबो धाङ खुसीम्‍पोगी सेम हुङघो़। दे नी, को़न्‍क्षोकगी ॱमीक्‍वादु चाक्षे हो़तालाक।

१ पेटो 4:15

हीना खेक्‍याने सुवाः ॱरोक चेगीन याङना कुमा कुगीन याङना ङेन्‍पा झ्‍यीगीन याङना थेप्‍तोक झ्‍यीगीनला च्‍योक्‍रे दुक्‍पु माङ्याङा स्‍योक।