१ थेसालोनीकेपा 3:3 - ॱलोवा

³ दुङा देगी खेक्‍याई धेपा ङ्याम्‍दु ॱमाच्‍युक्‍वास्‍योक। दुक्‍पु ङ्याङ घोगीलाक ॱनेरी, खेक्‍याला स्‍येये हो़तालाक।

१ थेसालोनीकेपा 3:3 Iomraidhean Croise

लुका 21:12

हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 2:25

ग्‍यावु दावीदगीयाः खोङबागी कोरला देरे सुङ हो़तालाक, ‘ङी चोवोला च्‍योई ङी दोङदु थोङहो़क। खोङबा ङी लागा ये स्‍योकला श्‍युकहो़क, होझ्‍येरी ङा जीक घोये मेक।

जेपा 21:11

खी़ पाउलुगी केराक खेरती, खोरी लाक्‍पा धाङ काङबाक्‍या धाम्‍दी ॱनेवालाक, “धाम्‍पे थुक्‍ङीगी देरे सुङी, येरुसालेमला डोना याहुदापाक्‍याई दे काउगी दाक्‍पोला देरे झ्‍येरीराङ धाम्‍गीलाक धेनी याहुदापा मेन्‍गीन मीरीकगी लाक्‍पाला ची ग्‍याप्‍कीलाक।”

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

१ कोरीन्‍थुपा 4:9

घीझ्‍येरी ॱनाना हे कुछापक्‍या नी, सेयेगी ठीम्‍चो़ फोक्‍पाक्‍या च्‍योक्‍रे धाङ घीरीने श्‍युक्‍योकला को़न्‍क्षोकगी श्‍या जेजा च्‍योक्‍रे दुक ॱनेरी, ङी साम्‍लो हो़क। घीझ्‍येरी ॱनाना हेक्‍या नी, जीक्‍तेन धाङ नाम्‍खे भाङछेनक्‍या धाङ मीक्‍याई क्षीदु तेमो च्‍योक्‍रे झ्‍युदुक।

एफीसुपा 3:13

खीकी क्षीला ङी ङ्याङगीन दुक्‍पु दे, खेक्‍याला फेन्‍येला लाक। होझ्‍येरी खेक्‍या सेमस्‍युक ॱमाक्षाक ॱनेरी, ङा श्‍योवा पुलाहीन।

फीलीप्‍पीपा 1:28

खीकी ग्‍याप्‍केलला मेगीनक्‍यामुला घीन्‍गी थोक्‍नेयाः, मीजीक्‍कीनगो ङी घोरास्‍योक। दे नी, खुङक्‍याला खोराङक्‍याई तोरस्‍यीक धाङ खेक्‍याला खेरी थारपागी ताक लाक धेनी दे ताक दे को़न्‍क्षोकने लाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ थेसालोनीकेपा 5:9

घीझ्‍येरी ॱनाना को़न्‍क्षोकगी होराङला, खोङबागी थुक्‍ठो़ ङ्याङयेला दामा माजेपालाक हीना चोवो येशु मास्‍यीकाने थारपा थोप्‍येगी क्षीला दामा जेपालाक।

२ थेसालोनीकेपा 1:4

खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

१ पेटो 2:21

खेक्‍या दो़न दी क्षीलाराङ भो़वालाक घीझ्‍येरी ॱनाना मास्‍यीकागी स्‍याम्‍ला डाङयेगी क्षीला, मास्‍यीका खीकी दो़न्‍दु दुक्‍पु ङ्यारी, खोङगी खेक्‍याई क्षीला पे च्‍यीक श्‍या जेपालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।