१ थेसालोनीकेपा 3:13 - ॱलोवा

¹³ होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 3:13 Iomraidhean Croise

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

रोमापा 14:4

मी श्‍येम्‍मागी ॱयोक्‍पोला क्‍यो़न चुक्‍कीन ख्‍यो़ सुले? खो खोरी दाक्‍पोगी दोङदुराङ या लाङालाक याङना मा ल्‍हीमालाक। धेनी खोला या ॱलाङगीलाक घीझ्‍येरी ॱनाना चोवोगी खोला ॱलाङ जे थुक्‍वालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

एफीसुपा 5:27

देरे जेदी क्षो़छोकगो ॱमेवा धाङ ॱङीमा मेगीन याङना देरे क्‍यो़न घीया मेगीन हीना धाम्‍पा धाङ क्‍यो़न मेता, ॱमीच्‍यीकी शीजेक्षेगी गोने राङगी डुङदु पुयेला लाक।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

कोलोसेपा 1:22

हीना खोङगी डुङदु खेक्‍या धाम्‍पा धाङ क्‍यो़न मेगीन धाङ क्‍यो़न्‍जे मेगीन तो़न्‍येगी क्षीला, धान्‍दा मास्‍यीकागी कु ढोङगीनगी गोने, को़न्‍क्षोकगी खेक्‍याला राङमुला दोमा जेपालाक।

१ थेसालोनीकेपा 2:19

चोवो येशु फेई घाङला, खोङबागी डुङदु, हीकी रेवा धाङ घाटो धाङ उगेनगी ङोम्‍जोगो खेक्‍याराङ मालाक से?

१ थेसालोनीकेपा 3:11

धा होरी याप को़न्‍क्षोक धाङ होरी चोवो येशुगीराङ, हेला खेक्‍याचारु डोयेला लाम डाढीक ॱनाङवास्‍योक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 4:15

हेक्‍या खेक्‍याला चोवोगी काने देरे ॱनाहीन, चोवो फेवी घाङला सो़न्‍पो हो़गीनक्‍या ढोङसागीनक्‍या ले एन्‍ला को़न्‍क्षोकगी डुङदु मेडोगीलाक।

१ थेसालोनीकेपा 4:17

धेनी होराङ सो़न्‍पो हो़गीन धाङ लेगीनक्‍या चोवोला ॱनामला ज्‍यायेला खुङक्‍यामुला ॱरीङ नाङदु ठीया जेगीलाक धेनी होराङक्‍या चोवोमुला च्‍योई ॱनेगीलाक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ थेसालोनीकेपा 1:10

दे नी चोवो फेप्‍कीन ङीमाला झ्‍युङगीलाक। होदे ङीङमो खोङबाला राङगी धाम्‍पे मीक्‍याने, शीजे थोप्‍कीलाक धेनी धेपा झ्‍यीगीन घीरीने तो़पा राक्‍कीलाक। मी देक्‍या नाङ खेक्‍या छी़गीलाक घीझ्‍येरी ॱनाना खेक्‍याई हीकी तेरता पाङपोक्‍याला धेपा झ्‍येवालाक।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

२ थेसालोनीकेपा 2:1

पी़न्‍दाक्‍याओ, होरी चोवो येशु मास्‍यीका धाब्‍ले फेप्‍ये धाङ होराङ खोङबामुला ज्‍यायेगी कोरला हेक्‍या श्‍युवाहीन।

याकोब 5:8

खेक्‍याः शो़पा झ्‍यी। चोवो धाब्‍ले फेप्‍कीनगी, धी़ ङ्ये ॱलेप हो़गीन झ्‍येरी, राङगी सेमला तेन्‍पो शो़।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,