१ थेसालोनीकेपा 3:12 - ॱलोवा

¹² धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

१ थेसालोनीकेपा 3:12 Iomraidhean Croise

मेथा 22:39

धेनी ॱङीवागोवा दे च्‍योक्‍रे च्‍यीक लाक। ख्‍यी़ ‘राङगी खीम्‍चेला राङला च्‍योक्‍रे चेवा झ्‍यी।’

मेथा 7:12

“होझ्‍येरी मी श्‍येम्‍मागी खेक्‍याला घारे झ्‍यीगीनगो दो़दी, होदेरेराङ श्‍येम्‍माक्‍याला झ्‍यी। देराङ क्षो़ठीम धाङ ॱङो़नस्‍येखेनक्‍याई तो़न्‍गीनगी दो़न दोरधी़गो लाक।

लुका 17:5

धेनी कुछापक्‍याई चोवोला श्‍यी़वालाक, “हीकी धेपा दे फेरु च्‍युक्‍वा जे।”

रोमापा 13:8

च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

२ कोरीन्‍थुपा 9:10

साङा ताप्‍कीनला साङा धाङ शायेला शामा ॱनाङा जेगीन, खोङगी खेक्‍याला ताप्‍येला साङा ॱनाङा जेदी, होदेला फेरु च्‍युक्‍वा जेगीलाक धेनी खीकी ढाङतेनगी लोदोकगो माङा जेगीलाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

१ थेसालोनीकेपा 2:8

हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।