१ थेसालोनीकेपा 2:8 - ॱलोवा

⁸ हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।

१ थेसालोनीकेपा 2:8 Iomraidhean Croise

लुका 7:2

होदुरु ग्‍यापो़न च्‍यीकला ॱयोक्‍पो ढीन्‍चेन च्‍यीक हो़तालाक। धेनी खो नेपा झ्‍युरी, स्‍यीगु झ्‍यीदी हो़तालाक।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 10:1

पी़नक्‍याओ, ङी सेमगी दो़पा धाङ ईस्‍राएल्‍पाक्‍याई क्षीदु, ङी को़न्‍क्षोकला ॱमो़लाम पुगीनगो नी, खुङक्‍याला थारपा थोबास्‍योक ॱनेरी लाक।

रोमापा 15:29

धेनी ङा खेक्‍याचारु हुङाराङ, मास्‍यीकागी झ्‍यीलापगी फी़न्‍सुम छोक्‍पा झ्‍युरी हुङगीलाक ॱनेरी, ङाला स्‍येयेहो़क।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:20

घीझ्‍येरी ॱनाना खेक्‍याई दो़न्‍दु ॱङोन्‍ने सेम्‍डा झ्‍यीगीन, खो च्‍योक्‍रे ङीमुला श्‍येम्‍मा सुवाः मेक।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 1:7

दी कोरला, हीकी चेवे लेरोक एपाब्‍राने खीकी ज्‍यावालाक। खो हीकी छापला मास्‍यीकागी श्‍याप्‍तोक्‍पा, ॱलो काथुप्‍कीन च्‍यीक लाक।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

फीलेमोन 1:1

मास्‍यीका येशुगी दो़न्‍दु चो़न्‍पा हीन्‍गीन, ङा पाउलु धाङ होरी पी़न तीमोथेउने, हीकी चेवे लेरोक फीलेमोन

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।