१ थेसालोनीकेपा 2:6 - ॱलोवा

⁶ मास्‍यीकागी कुछाप झ्‍युरी, हेक्‍याई खेक्‍याला आङजा झ्‍यी थुक्‍येहो़क हीना मी सुनेः हीकी तो़टा ॱमाचा। खेक्‍याने मेन धेनी श्‍येम्‍माक्‍याने मेन।

१ थेसालोनीकेपा 2:6 Iomraidhean Croise

योहान्‍ना 12:43

घीझ्‍येरी ॱनाना खुङक्‍या को़न्‍क्षोकगी कुरती ले ल्‍हाक, मीगी कुरतीला क्षाक्‍पालाक।

योहान्‍ना 5:41

“ङी मीक्‍याने कुरती चाला मेन,

योहान्‍ना 5:44

को़न्‍क्षोक च्‍यीक्‍पोने झ्‍युङगीन कुरतीगो ॱमेचाला, खेक्‍या पी़न्‍सुमगी नाङदु कुरती चागीन झ्‍येरी, खेक्‍या घाङगी झ्‍येरी धेपा झ्‍यी थुक्‍कीले?

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

१ कोरीन्‍थुपा 11:9

धेनी याङ केवे-भोमोगी क्षीदु केवे-भु को़वा मेन्‍दा, केवे-भोमो केवे-भुगी क्षीदु को़वालाक।

२ कोरीन्‍थुपा 13:10

चोवोगी ङाला ॱनाङना आङजा दे, ङा खीकीचारु हुङाराङ चुक्‍वा झ्‍येरी भेचो़ झ्‍यी मेघोयेगी क्षीला, ङा खेक्‍या घुङदु मेताराङ, दे लाबक्‍या ढीयाहीन। आङ दे नी खेक्‍याला तोरयेला मेन्‍दा, खेक्‍याला यारके ताङयेगी क्षीदु ङाला ॱनावालाक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

गालातीयापा 6:13

याहुदापा पाउ चेगीन ॱरो ॱरुङगीनक्‍यागीया क्षो़ठीम ॱमीरुङालाक। हीना खुङक्‍या खीकी दो़नने राङला तो़टा राक्‍येला, खेक्‍याई पाउ चेगीन ॱरो ॱरुङये दो़पा झ्‍यीदालाक।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

१ तीमोथेउ 5:17

क्षो़छोकगी गेम्‍पा तातोक घा झ्‍यीगीन धेनी ॱमीक्‍सेदु क्षो़ स्‍येये धाङ ॱलापच्‍या ॱलाप्‍कीन, लेगाला काल्‍ले ग्‍याप्‍कीन गेम्‍पाक्‍याला, कुरती दाप ॱङी थोप घोवालाक।