१ थेसालोनीकेपा 2:5 - ॱलोवा

⁵ हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

१ थेसालोनीकेपा 2:5 Iomraidhean Croise

मेथा 22:16

धेनी खुङक्‍याई खोरी ङेनेक्‍या, हेरोदेगी मीक्‍यामुला येशुचारु झावालाक। धेनी खुङक्‍याई श्‍यी़वालाक, “गेन्‍ला, हेक्‍याला स्‍येयेहो़क। खेराङ नी, ढाङपो धाङ को़न्‍क्षोकगी लाम ढाङपो तो़न्‍दी। धेनी खेराङ मीगी ङो तेरी क्षाक्‍ले मेजेगीन झ्‍येरी, खेराङ मी श्‍येम्‍मागी साम्‍लोला या मेजेदालाक।

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

जेपा 20:33

ङी मी सी़याः सेर धाङ ॱङु धाङ घोलाकगी दो़पा माझ्‍ये।

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 9:1

मास्‍यीकागी नाङ ङा धेन्‍पा ॱनीहो़क, ङा शोक ॱनामेन। ङी स्‍येशाङगी, धाम्‍पे थुक्‍ङीगी थोक्‍ने ङाला धेन्‍पाङ झ्‍यीदीक।

२ कोरीन्‍थुपा 12:17

ङी खेक्‍याचारु झाजा मीक्‍याई थोक्‍ने, खेक्‍याने खेब्‍साङ लेन्‍जे?

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ कोरीन्‍थुपा 7:2

खेक्‍याई सेम नाङदु हेक्‍याला घोक्‍जा तेर। हीकी सुला ॱनो़ ॱमाक्‍या। धेनी हीकी सुला ॱमाली़ धेनी हीकी सुला ॱहाम्‍बा माझ्‍ये।

गालातीयापा 1:20

को़न्‍क्षोकगी दोङदु ङी खेक्‍याला ढीक्‍कीन, लाबक्‍या शोक्‍पो मेन।

१ थेसालोनीकेपा 2:10

खे धेपा झ्‍यीगीनक्‍याई खोक्‍दु हीकी चो़पा धाम्‍पा धाङ ढाङपो धाङ क्‍यो़न मेगीनगी पाङपोगो, खेक्‍याराङ धाङ को़न्‍क्षोक हीन।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 3:8

क्षो़छोकगी श्‍याप्‍तोक्‍पाक्‍या याराप धाङ खा ॱङी मेगीन धाङ क्षाङ माङा थुङङी मेदो़गीन धाङ ॱङुला ॱहाम्‍बा मीझ्‍यीगीन हुङघो़गीलाक।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।