१ थेसालोनीकेपा 2:2 - ॱलोवा

² हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

१ थेसालोनीकेपा 2:2 Iomraidhean Croise

जेपा 14:3

होझ्‍येरी पाउलु धाङ बारनाबा, होदे ग्‍याजारु ङीमा माङा धेपालाक। खुङ ॱङीउगी ॱङीङक्षे झ्‍येरी चोवोगी थुक्‍जेगी कोरला क्षो़ स्‍येपालाक। धेनी चोवोगी खुङक्‍याला ॱहाङसागीन ताक धाङ लेगाक्‍या झ्‍यीयेला स्‍युक ॱनाङदी, खुङक्‍याई स्‍येगीन लाबगो धेन्‍पा लाक ॱनेरी पाङपो ॱनावालाक।

जेपा 14:5

याहुदापा मेन्‍गीनगी मीक्‍या धाङ याहुदापाक्‍या धाङ खुङक्‍याई पो़न्‍पोक्‍या रुप्‍ती, पाउलु धाङ बारनाबाला ॱङ्याप्‍चो़ स्‍येदी धोगोङ श्‍युरती सेये ढो़ झ्‍येवालाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 16:19

धा होदे भोमोगी दाक्‍पो देक्‍याई होदे भोमोने आले हुङजागो मेगीन स्‍येरी, पाउलु धाङ सीलवानुला शीम्‍दी धेनी ठीम चेजा साजारु ढी़दी खेरती सोवालाक।

जेपा 16:37

हीना पाउलुगी ॱमाक्‍मीक्‍याला ॱनेवालाक, “हेक्‍या रोम ग्‍याखापगी मी झ्‍येरीयाः खुङक्‍याई हीकी ठीम ॱमाचेपालाः हेक्‍याला मीमाङक्‍याई दोङदु ॱमीच्‍यीकी आ श्‍युरजुङ धेनी धोराङा हेक्‍याला चो़न्‍खाङला दाक्‍जुङ। धा हेला खाबा तो़न्‍ये झ्‍यीदाले? दे हुङ छोक्‍ये मेतालाक। खुङक्‍याराङ होरी हेक्‍याला देने, फीला तो़न घोगीलाक।”

जेपा 17:1

पाउलु धाङ सीलवानु आम्‍फीपोली धाङ आपोल्‍लोनीया ग्‍याजाने झ्‍युरी, थेसालोनीकेरु होवालाक। होदुरु याहुदापा छोक्‍खाङ च्‍यीक हो़तालाक।

जेपा 17:17

होझ्‍येरी खो याहुदापाक्‍या धाङ को़न्‍क्षोकला चीगीन, गीरीक मीक्‍यामुला छोक्‍खाङदु सोरी चो़लीङ झ्‍यीदालाक धेनी ठोमला ग्‍युक्‍कीन मीक्‍यामुलाः च्‍योई येशुगी कोरला चो़लीङ झ्‍यीदालाक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 4:13

धेनी छोक्‍पागी मीक्‍याई पेटो धाङ योहान्‍ना क्षो़ माढोक्‍टा धाङ मी ॱङ्यामच्‍युङा झ्‍युरीयाः, खुङ ॱङीउ ॱमीच्‍यीकी ॱङीङक्षे झ्‍यीगीनगो थोरी ॱहाङसावालाक। धेनी खुङक्‍याई दे ॱङीउ येशुमुला धेपालाक ॱनेरी ॱहाघोरपालाक।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

कोलोसेपा 2:1

खेक्‍या धाङ लाउदीकेयागी मीक्‍या धाङ ङी ङोरोङ थोङ माङ्युङगीन श्‍येम्‍मा मी घीरीगी क्षीदु, ङी ग्‍यापक्‍या काल्‍ले क्षेगो खेक्‍याई स्‍येलाझ्‍यी ॱनेरी, ङा दो़दीहो़क।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।