१ थेसालोनीकेपा 2:17 - ॱलोवा

¹⁷ हीना पी़न्‍दाक्‍याओ, हेक्‍या युन तुङागी क्षीला ली़गी थोक्‍ने खेक्‍याने ढाना, सेम्‍ङीने माढा हो़क। खेक्‍या ॱमीच्‍यीकी ढेन्‍दी खेक्‍याला ॱङो़न्‍सुम थोङयेला हीकी दो़पा क्षे हो़क।

१ थेसालोनीकेपा 2:17 Iomraidhean Croise

लुका 12:58

ख्‍यो़ राङगी खाम्‍जु थुप्‍कीनमुला ठीम्‍पो़नचारु डी़ घाङला, लाम्‍गाला राङ खी़मुला थी़न्‍ये थापस्‍यी झ्‍यी। देरे माझ्‍येना होदेगी ख्‍यो़ला ठीम्‍पो़नचारु ठीक्‍ती डुगीलाक धेनी ठीम्‍पो़नगी ख्‍यो़ला घोचेगी लागाला ची ग्‍याप्‍कीलाक धेनी घोचेगी ख्‍यो़ला चो़न्‍खाङदु धाक्‍कीलाक।

लुका 22:15

खोङबागी खुङक्‍याला सुवालाक, “ङा दुक्‍पु ङ्याङयेगी एन्‍ला, खेक्‍यामुला दे पेसाकगी धी़छेनगी श्‍येलाक दे शायेला, ङी ॱङीङ थाक्‍पाने दो़पी।

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 15:23

हीना धा दे युछोकक्‍याला ङी क्षीदु लेगा झ्‍यीजा साजा ल्‍हाक्‍मा मीदुक धेनी ङा लो माङपोने, खेक्‍याचारु हुङयेगी दो़पा क्षे झ्‍येरी,

१ कोरीन्‍थुपा 5:3

ङा खीकी घुङदु ली़ला मेनाः, सेम्‍ङीगी थोक्‍ने खीकीमुला हो़क। धेनी ङा खीकीमुला हो़गीन च्‍योक्‍रे, ङी देरे लेगा झ्‍यीगीनगोला ठीम थाक चेसाहो़क।

कोलोसेपा 2:5

घीझ्‍येरी ॱनाना ङा ली़गी थोक्‍ने खीकी घुङदु मेनाः, सेम्‍ङीगी थोक्‍ने खीकीमुला हो़क। धेनी खेक्‍याई थी़न्‍डील धाङ मास्‍यीकागी खाला खीकी धेपा तेन्‍पो हो़गीनगो ॱहाघोरती, ङा ङ्यामो घी हो़क।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।