१ थेसालोनीकेपा 2:15 - ॱलोवा

¹⁵ होदे याहुदापाक्‍याई चोवो येशु धाङ ॱङो़नस्‍येखेनक्‍याला सेपालाक धेनी होराङक्‍याला तो़न्‍दी झावालाक धेनी को़न्‍क्षोकला थेदा मीझ्‍यीदा, मी घीरीला ङोलोक झ्‍यीदालाक।

१ थेसालोनीकेपा 2:15 Iomraidhean Croise

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

मेथा 27:25

धेनी मी घीरीगी ॱनेवालाक, “खी़ ठाकगी छेपा हेक्‍या धाङ हीकी टुवाक्‍या खाला फोक्‍वास्‍योक।”

मेथा 5:12

नाम्‍खे श्‍यीङखामदु खेक्‍याई क्षीला ज्‍यागा क्षे हो़तालाक होझ्‍येरी घागा-कीगी झ्‍यी घीझ्‍येरी ॱनाना खेक्‍याई एन्‍ला हो़गीन ॱङो़नस्‍येखेनक्‍याला, खुङक्‍याई देरेराङ झ्‍येरी दुक्‍पु तावालाक।

लुका 24:20

धेनी हीकी क्षो़पो़न क्षेक्‍या धाङ पो़न्‍पोक्‍याई, खोङबाला सेयेगी ठीम कारी ग्‍याङस्‍यीङला टोङबालाक।

जेपा 12:3

याहुदापा मीक्‍या होदेला ङ्यामो घागीनगो थोरी, खी़ पेटोलाः शीम्‍दु च्‍युक्‍पालाक। होदे घाङला क्‍युरची मेगीन ग्‍याङगा शागीन धी़छेनगो लाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 5:30

खेराङक्‍याई ग्‍याङस्‍यीङ खाला शेर ग्‍याप्‍ती सेसा येशुला, हीकी धाङबी फामाक्‍याई चीगीन को़न्‍क्षोकगी याङ सो़न्‍पो श्‍याङ जेपालाक।

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

१ कोरीन्‍थुपा 10:5

घीहीन्‍ना, खुङक्‍याने माङक्षेमुला को़न्‍क्षोक थुक ॱमाङेवालाक धेनी खुङक्‍याई फुङबुक्‍या रीतोङदुराङ थोरपालाक।

२ कोरीन्‍थुपा 11:26

थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।