१ थेसालोनीकेपा 2:11 - ॱलोवा

^11-12 खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 2:11 Iomraidhean Croise

लुका 16:28

घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

जेपा 20:2

होदुरु ॱलेप्‍ती साजा-साजाला सोरी, धेपा-झ्‍यीगीनक्‍याला सेमस्‍युक पारपालाक। धेनी खो गीरीसला सोवालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

१ थेसालोनीकेपा 2:7

हीना आमागी राङगी टु क्‍योङगीन च्‍योक्‍रे, खेक्‍याई खोकला हेक्‍या जाबो झ्‍येरी धेपी।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 4:6

दो़न देला मी सी़याः राङगी पी़नला दुक्‍पु तारी गोकोर ॱमेछोक्‍कीलाक घीझ्‍येरी ॱनाना हीकी खेक्‍याला एन्‍दुरु ॱनागीन च्‍योक्‍रे, चोवोगी देरे लेगा झ्‍यीगीनक्‍याला डास्‍या लेन जेगीलाक।

१ थेसालोनीकेपा 5:11

होझ्‍येरी खेक्‍याई धान्‍दा थुक्‍पे झ्‍यीगीन च्‍योक्‍रे, पी़न च्‍यीकगी च्‍यीकला सेम्‍सो पोर धेनी धेपाला स्‍युक क्षेरु डोयेला रोवा झ्‍यी।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

२ थेसालोनीकेपा 2:5

ङा खेक्‍यामुला हो़ती घाङला, खेक्‍याला दे ताम घीरीगी कोरला स्‍येगीनगो, खेक्‍याला ढेम्‍पा मीदुई?

२ थेसालोनीकेपा 3:12

धा देरे मीक्‍याला स्‍यारी राङगी लेगा झ्‍यीये धाङ राङगी मीछेराङ क्‍यायेला, चोवो येशु मास्‍यीकागी छेनने हेक्‍या का तेराहीन धेनी सेमस्‍युक पाराहीन।

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।

१ तीमोथेउ 5:7

सी़या खुङक्‍याला क्‍यो़न्‍जुक ॱमेकायेगी क्षीला, खुङक्‍याला दे ॱलापच्‍याक्‍या ॱलोप।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

१ तीमोथेउ 6:2

दाक्‍पोक्‍या धेपा झ्‍यीगीन हीन्‍ना, धेपाला पी़न हीन साम्‍दी थोङछुङ झ्‍यीये मेतालाक। हीना खुङक्‍याई श्‍याप्‍चीगी फेन्‍दोकगो धेपा झ्‍यीगीनक्‍या धाङ राङगी चेवेक्‍याला झ्‍युङगीलाक साम्‍दी, खुङक्‍याई ॱयोल्‍ले ल्‍हाक श्‍याप्‍ची श्‍यु घोगुलाक। हुरे झ्‍यीयेलाराङ ॱलापच्‍या ग्‍योप धेनी कु।

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

तीतोस 2:6

दे च्‍योक्‍रे श्‍यो़न्‍पाक्‍याला साम्‍लो थोङा झ्‍युङयेला, ॱलोप्‍चुङ ग्‍याप घो़गीलाक।

तीतोस 2:9

ॱयोक्‍पोक्‍या राङ दाक्‍पोगी लाब घीरीला खाला ङेन्‍पो धाङ दाक्‍पोगी दो़पा काङ थुप्‍कीन धाङ खालेन ॱमेलोक्‍कीन धाङ

ईब्‍रीपा 13:22

पी़नक्‍याओ, ङी खेक्‍याला यीक तुङ-तुङ च्‍यीक ढीक हो़क। धेनी ङी ॱलापच्‍याक्‍याला शो़पा झ्‍यी ॱनेरी, ङा श्‍योवा पुलाहीन।

३ योहान्‍ना 1:4

ङी टुवाक्‍या धेन्‍पाला तेन्‍ती मीजी क्‍यागीन, लाब दे घोरयेने ल्‍हाक, घाटो क्षे ङाला श्‍येम्‍मा घीया मेक।