१ थेसालोनीकेपा 1:9 - ॱलोवा

⁹ घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

१ थेसालोनीकेपा 1:9 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

रोमापा 9:26

धेनी खुङक्‍याला, “‘खेक्‍या ङी मी मालाक’ ॱनेरी ॱनासारुराङ, खुङक्‍याला ‘कुसो़न्‍पो श्‍युक्‍कीन को़न्‍क्षोकगी से धाङ सेमो’ ॱनेरी भो़गीलाक।”

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ थेसालोनीकेपा 2:1

पी़न्‍दाक्‍याओ, खेक्‍यामुला हीकी थुक्‍ठे क्षोमेगीन माझ्‍युजुङ ॱनेरी, खेक्‍याला क्षा हो़तालाक।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

ईब्‍रीपा 12:22

हीना खेक्‍या सो़न्‍पो को़न्‍क्षोकगी ग्‍याजा, नाम्‍खे श्‍यीङखामगी येरुसालेम धेनी ढाङगा ॱमेथेगीन, नाम्‍खे भाङछेन तोङठाकगी घाटोगी छोक्‍दुरु, सीयोनगी रीला हो हो़तालाक।

१ योहान्‍ना 5:21

चेवे टुवाक्‍याओ, ल्‍हाकुन्‍डाक्‍याने जेम्‍दी धो़क।

ॱङो़न्‍पा 17:2

होदेमुला साश्‍यीगी ग्‍यावुक्‍याई, लोक्‍येम झ्‍येदुक धेनी मी़ लोक्‍येमगी घुन्‍क्षाङ थुरी, साश्‍यीगी मी घीरी शीरी धेदुक।”