१ थेसालोनीकेपा 1:7 - ॱलोवा

⁷ होझ्‍येरी माकेडोनीया धाङ आकाईयारु हो़गीन, धेपा झ्‍यीगीन घीरीगी क्षीला, खेक्‍या पे झ्‍युदुक।

१ थेसालोनीकेपा 1:7 Iomraidhean Croise

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 18:1

होदे स्‍याम्‍ने पाउलु एथेनेने घोङपा श्‍युरी, कोरीन्‍थु ग्‍याजारु सोवालाक।

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

रोमापा 15:26

घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

१ थेसालोनीकेपा 1:8

घीझ्‍येरी ॱनाना खेक्‍या थोक्‍ने को़न्‍क्षोकगी का माकेडोनीया धाङ आकाईयारु च्‍यीगा मादारपा, खेक्‍याई को़न्‍क्षोकला धेपा झ्‍यीगीनगो क्षोक घीरीदु दारदुक धेनी दी कोरला हेक्‍या घीया ॱनाघोये मीदुक।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

१ पेटो 5:3

खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।