१ थेसालोनीकेपा 1:6 - ॱलोवा

⁶ ॱमीच्‍यीकी दुङा क्षेगी खोकलाः खेक्‍याई धाम्‍पे थुक्‍ङीगी घाटो थोक्‍ने ताम्‍शाङगो खेलेन्‍दी, खेक्‍या हे धाङ चोवोगी लेमो झ्‍यीगीन झ्‍युवालाक।

१ थेसालोनीकेपा 1:6 Iomraidhean Croise

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

योहान्‍ना 8:12

येशुगी धाब्‍ले खुङक्‍याला सुवालाक, “ङा नी जीक्‍तेनगी हो़ हीन। ङी स्‍याबाला डागीनक्‍या मी़नाक नाङला मेडोगीलाक हीना छेगी हो़ थोप्‍कीलाक।”

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

१ कोरीन्‍थुपा 11:1

ङी मास्‍यीका लेमो झ्‍यीगीन च्‍योक्‍रे, खेक्‍यागीयाः ङी लेमो झ्‍यी।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 4:16

होझ्‍येरी, ङा खेक्‍याला ङी लेमो झ्‍यी ॱनेरी कुलाहीन।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ कोरीन्‍थुपा 8:5

धेनी हीकी रेवा झ्‍येजाने ल्‍हाक, खुङक्‍याई एन्‍ला राङ-राङला चोवोला पुवालाक धेनी को़न्‍क्षोकगी थुकोङला तेन्‍ती, खुङक्‍याई राङ-राङला हेक्‍याई लागला ची ग्‍याप्‍पालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

फीलीप्‍पीपा 3:17

पी़नक्‍याओ, ङाला पे श्‍याक्‍ती मीछे पी़ धेनी हीकी मीछेला खेक्‍याई थोथा पे च्‍योक्‍रे, मीछे पी़गीनक्‍याला श्‍यीप्‍ता झ्‍यी।

२ थेसालोनीकेपा 1:4

खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ थेसालोनीकेपा 3:7

हीकी लेमो झ्‍यीघोगीलाक ॱनेरी, खेक्‍याला स्‍येये हो़तालाक। खीकीमुला हो़ती घाङला हेक्‍या लेमेलाम्‍गीन मेतो,

२ थेसालोनीकेपा 3:9

हेक्‍या हुरे झ्‍यी छोक्‍येला आङजा मेगीन मालाक हीना खेक्‍या हीकी लेमो झ्‍यीयेला पे तो़न्‍येला झ्‍येवी।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

१ पेटो 1:6

दे घीरीगी झ्‍येरी खेक्‍या ङ्यामो घा लाक हीना धी़ तीतेगी क्षीदु धान्‍दा, खेक्‍या दुङा ॱनाछोकक्‍या ङ्याङ घोये हो़तालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ पेटो 3:13

खेक्‍या शाङा झ्‍यीयेला सेमस्‍युक हो़ना, सी़ खेक्‍याला ॱनो़ क्‍यागीले?

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।