१ थेसालोनीकेपा 1:3 - ॱलोवा

³ होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 1:3 Iomraidhean Croise

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 15:4

धा सुङरापगी ॱनाङगीन शो़पा धाङ सेमस्‍युकगी थोक्‍ने होराङला रेवा थोबास्‍योक ॱनेरी, एम्‍मा ढीक्‍टा घीरी होराङला ॱलापच्‍या तेरयेला ढीक्‍पालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 16:6

धेनी खीकी क्षीदु ॱमीच्‍यीकी काल्‍ले ग्‍यापक्‍या, मीरीयामला छाम्‍डी श्‍यी़।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

१ कोरीन्‍थुपा 13:13

धेनी धा धेपा धाङ रेवा धाङ झाम्‍पा सुम ॱनेगीलाक। हीना देक्‍या नाङने गेक्षेस्‍योकगो झाम्‍पा लाक।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:9

धेनी शाङा झ्‍यीयेला होराङक्‍या थाङ क्षेये मेतालाक घीझ्‍येरी ॱनाना हुरे झ्‍यीना होराङला ढेबु धी़चो़ ताक-ताकला राक्‍कीलाक।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

१ तीमोथेउ 2:3

दे नी होरी क्‍याम्‍गो़न को़न्‍क्षोकगी चेनङारदु, शाङपो धाङ थुक्‍ङेउ दुक।

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 11:17

धेपागी गोने को़न्‍क्षोकगी आब्‍राहामला छो़ता जेदाराङ, खोङगी राङगी भीजा ईसाकला ॱमारछो़ पुवालाक। खोङला धाम्‍चाक्‍या थोप्‍तीयाः राङगी भीजा च्‍यीक च्‍यीगारागोला, ॱमारछो़ पुयेला डाढीक झ्‍युवालाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 4:11

होझ्‍येरी खुङक्‍याई को़न्‍क्षोकगी काला माङेन्‍पा नोगीन च्‍योक्‍रे सुवाः मानोवास्‍योक ॱनेरी, होराङ होदे ङासु नाङ जुयेला थापस्‍यी हो़ले झ्‍यीघो़।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

१ पेटो 3:4

हीना खीकी शाप्‍टो नी, खेरी सेम नाङदु येरी मेडोगीन ज्‍याबो धाङ खुसीम्‍पोगी सेम हुङघो़। दे नी, को़न्‍क्षोकगी ॱमीक्‍वादु चाक्षे हो़तालाक।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 3:21

चेवे रोवाक्‍याओ, होरी सेमगी होराङला क्‍यो़न ॱमीचुक्‍ना, होराङला को़न्‍क्षोकगी डुङदु ॱलोगोक केलालाक।

१ योहान्‍ना 3:3

धेनी खोङबा चाङमा हो़गीन च्‍योक्‍रे, खोङगी खाला देरे रेवा श्‍याक्‍कीन घीरीगी राङला चाङमा श्‍यालाक।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।

ॱङो़न्‍पा 2:19

ख्‍यी़ लेगा, ख्‍यी़ झाम्‍पा, ख्‍यी़ धेपा, ख्‍यी़ श्‍याप्‍ची धाङ ख्‍यी़ शो़पागी कोरला ङाला स्‍येयेहो़क। धेनी ख्‍यी़ स्‍याम्‍ला झ्‍येजा लेगाक्‍या, एम्‍मा झ्‍येजाने ल्‍हाक दुक।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।