१ थेसालोनीकेपा 1:10 - ॱलोवा

¹⁰ छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

१ थेसालोनीकेपा 1:10 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 3:7

हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

लुका 2:25

धा सीमेयोन ॱनागीन मी ढाङपो धाङ को़न्‍क्षोकला चीगीन च्‍यीक येरुसालेमदु हो़तालाक। खो नी ईस्‍राएल्‍पाक्‍याला सेम्‍सो ॱनाङगीनगो फेप्‍ये धी़ला, घुक्‍ती धे हो़तालाक। धेनी धाम्‍पे थुक्‍ङी खी़मुला हो़तालाक।

लुका 3:7

योहान्‍नागी लाक्‍पाने ठी़सो़ लेन्‍दु हुङगीन मीमाङक्‍याला, खी़ ॱनेवालाक, “खे दुक्‍डुगी टुवाक्‍याओ, हुङये हीन्‍गीन को़न्‍क्षोकगी थुक्‍ठो़ने डो़री डोयेला, खेक्‍याला सी़ ङेन्‍ता ताजो?

जेपा 1:11

होदे मी ङीउगी ॱनेवालाक, “खे गालीलगी मीक्‍याओ, खेक्‍या घीझ्‍येरी लारी ॱनाम स्‍योकला तेरी धेदाले? खेक्‍याई खोक्‍ने ठीया जेजा येशु नी, धान्‍दा नाम्‍खे श्‍यीङखामदु फेप्‍कीनगो खेक्‍याई थोथा च्‍योक्‍रे, याङ खोङबा खेक्‍याचारु देरेराङ झ्‍येरी फेप्‍कीलाक।”

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

१ कोरीन्‍थुपा 1:7

होझ्‍येरी होरी चोवो येशु मास्‍यीका ॱङो़न्‍सुमदु ज्‍यायेला, खेक्‍या घुक्‍ती धेताराङ खीकी नाङ सेम्‍ङीगी ॱनाङज्‍यीन घीया ॱमेछाङगीन मेयोङगीलाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

फीलीप्‍पीपा 3:20

हीना होरी फायु नी, नाम्‍खे श्‍यीङखाम लाक। धेनी होदेने फेप्‍ये हीन्‍गीन क्‍याम्‍गो़न चोवो येशु मास्‍यीकाला, होराङ घुक्‍ती धेतालाक।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

१ थेसालोनीकेपा 1:7

होझ्‍येरी माकेडोनीया धाङ आकाईयारु हो़गीन, धेपा झ्‍यीगीन घीरीगी क्षीला, खेक्‍या पे झ्‍युदुक।

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।

१ थेसालोनीकेपा 2:7

हीना आमागी राङगी टु क्‍योङगीन च्‍योक्‍रे, खेक्‍याई खोकला हेक्‍या जाबो झ्‍येरी धेपी।

१ थेसालोनीकेपा 5:9

घीझ्‍येरी ॱनाना को़न्‍क्षोकगी होराङला, खोङबागी थुक्‍ठो़ ङ्याङयेला दामा माजेपालाक हीना चोवो येशु मास्‍यीकाने थारपा थोप्‍येगी क्षीला दामा जेपालाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 10:27

हीना को़न्‍क्षोकगी ठीम्‍चो़ फोक्‍येला घुक्‍ती धेयेगी जीक्‍टा धाङ खोङगी डाक्‍याला मेताला जेये हीन्‍गीन, थुक्‍ठो़गी मेगी ङेन्‍का च्‍यीका हो़तालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ पेटो 2:21

खेक्‍या दो़न दी क्षीलाराङ भो़वालाक घीझ्‍येरी ॱनाना मास्‍यीकागी स्‍याम्‍ला डाङयेगी क्षीला, मास्‍यीका खीकी दो़न्‍दु दुक्‍पु ङ्यारी, खोङगी खेक्‍याई क्षीला पे च्‍यीक श्‍या जेपालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।