१ थेसालोनीकेपा 1:1 - ॱलोवा

¹ पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 1:1 Iomraidhean Croise

जेपा 15:22

होदे स्‍याम्‍ने कुछाप धाङ क्षो़छोकगी गोठीक्‍याई, चोवोला धेपा-झ्‍यीगीन पी़नक्‍या घीरीमुला ढो़ झ्‍येरी, मी ॱङी दाम्‍बालाक। खुङक्‍याई होदे ॱङीउला पाउलु धाङ बारनाबामुला आन्‍तीयोक ग्‍याजारु झाङये ढो़ झ्‍येवालाक। होदे दाम्‍दा मी ॱङीउ बारसाबास ॱनागीन युदा धाङ सीलवानु लाक। धेपा-झ्‍यीगीन पी़नक्‍या घीरीगी थोकला होदे ॱङीउ गोठी हो़तालाक।

जेपा 15:27

खुङक्‍यामुला हेक्‍याई युदा धाङ सीलवानुलाः झाहो़क। हेक्‍याई ढीक्‍टा लाब खुङक्‍यागीयाः खेराङक्‍याला स्‍येगीलाक।

जेपा 15:40

पाउलुगी राङला रोवा झ्‍यीयेला, सीलवानुला दाम्‍बालाक। होदे स्‍याम्‍ने धेपा-झ्‍यीगीन पी़नक्‍याई, खुङक्‍याला को़न्‍क्षोकगी ॱङीङजेगी क्षाकला पुवालाक धेनी खुङक्‍या सोवालाक।

जेपा 16:19

धा होदे भोमोगी दाक्‍पो देक्‍याई होदे भोमोने आले हुङजागो मेगीन स्‍येरी, पाउलु धाङ सीलवानुला शीम्‍दी धेनी ठीम चेजा साजारु ढी़दी खेरती सोवालाक।

जेपा 16:25

धा छेनगी तीक-तीकला पाउलु धाङ सीलवानु सोवा ग्‍याप्‍ती, को़न्‍क्षोकला तो़लु पुली धेबालाक धेनी श्‍येम्‍मा चो़न्‍पाक्‍या ङेन्‍दी धे हो़तालाक।

जेपा 16:29

दे ॱहाघोरती चो़न्‍खाङ ॱरुङगीन घोरेगी़ क्‍युङ पोर ॱनेरी, भाङ तारी नाङदु सोवालाक। धेनी जीक्‍टागी शु दारी-दारी, खो पाउलु धाङ सीलवानुगी दोङदु क्षाक क्षावालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 20:4

होदे ढु ग्‍याप्‍येला खोमुला श्‍येम्‍मा मीक्‍याः हो़तालाक। होदेक्‍या बेरोया ग्‍याजागी पुररुसगी भीजा, सोपातेर धाङ थेसलोनीके ग्‍याजागी आरीस्‍तारकु धाङ सेकुनदु धाङ धेरबे ग्‍याजागी गायु धेनी तीमोथेउ धाङ एशीया स्‍योकने होवा, तुखीकोस धाङ तोरोफीमोस लाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

गालातीयापा 1:2

धाङ ङीमुला हो़गीन पी़नक्‍या घीरीने, गालातीयागी क्षो़छोकक्‍याला,

गालातीयापा 1:22

होदे थुक्‍पे युदेया युदु हो़गीन मास्‍यीकागी क्षो़छोकक्‍याई, ङाला थोङ माङ्युङ हो़तालाक।

एफीसुपा 1:2

होरी याप को़न्‍क्षोक धाङ चोवो येशु मास्‍यीकाने थुक्‍जे धाङ श्‍यीदे, खेक्‍याला थोप्‍पास्‍योक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

२ थेसालोनीकेपा 1:1

पाउलु धाङ सीलवानु धाङ तीमोथेउ सुमगी, थेसालोनीकेदु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला,

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

ईब्‍रीपा 13:23

होरी पी़न तीमोथेउ चो़न्‍खाङने थो़न्‍गीनगो, खेक्‍याई ॱहाघोकीनगो ङा दो़दीहो़क। धेनी खो ग्‍योक्‍वा ॱलेप्‍ना, ङा खी़मुला खेक्‍याला थुक्‍तु हुङाहीन।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,