१ पेटो 5:8 - ॱलोवा

⁸ खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

१ पेटो 5:8 Iomraidhean Croise

मेथा 13:39

धेनी युक्‍पु ताप्‍कीन डागो धी़क लाक। लोदोक धुगीन धी़चो़गो थागी धी़चो़ लाक। धेनी ॱङागीनक्‍या नाम्‍खे भाङछेनक्‍या लाक।

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 4:1

धा धी़कगी येशुला छो़ता लेन्‍येगी क्षीला, धाम्‍पे थुक्‍ङीगी येशुला रीतोङदु ठी जेपालाक।

मेथा 4:11

धेनी धी़कगो खोङबागी डुङने सोवालाक धेनी चोवोगी भाङछेनक्‍या फेप्‍ती, खोङबागी श्‍याप्‍ची श्‍यी़वालाक।

मारकु 4:15

मी रीङगा लाम्‍गाला तोरता, साङाक्‍या च्‍योक्‍रे हुङालाक। खुङक्‍याई कागो ङेन्‍लुङ मेताला, धी़क होरे खुङक्‍या नाङदु ताप्‍ता कागो ठोक्‍ती डुगीलाक।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

लुका 22:31

होदे स्‍याम्‍ने येशुगी सुवालाक, “सीमोन, सीमोन! दुरु ङेन! सातानगी ख्‍यो़ला ढो च्‍योक्‍रे होछारयेला श्‍यी़दुक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

२ कोरीन्‍थुपा 2:11

दे नी, धी़ सातानगी होराङला गोकोर ॱमेताङयेगी क्षीदु झ्‍येवालाक। घीझ्‍येरी ॱनाना खी़ झ्‍यी़क्‍याई कोरला, होराङगी ॱमेस्‍येगीन मालाक।

एफीसुपा 4:27

धेनी धी़कला घुकाप ॱमातेर।

एफीसुपा 6:11

धेनी धी़कगी ॱयो़झ्‍यी़क्‍याने तेन्‍पो ॱने थुप्‍येला, खेक्‍या को़न्‍क्षोकगी गोठाप छाङबो घो़न।

१ तीमोथेउ 2:15

घीहीन्‍ना केमीक्‍या ॱङ्यामच्‍युङा झ्‍येरी, धेपा धाङ झाम्‍पा धाङ धाम्‍पाला ॱनेरी धेना, मो टु केली घाङला क्‍योप्‍कीलाक।

१ तीमोथेउ 2:9

होझ्‍येरीराङ केमीक्‍याई राङगी ॱरा ल्‍हेमा ॱनाछोक ल्‍हेरी, सेर धाङ मुतीक धाङ घोङ क्षे घो़ घो़न्‍दी मेन्‍दा, राङला लेन्‍दा थोङगीन ताप्‍धे धाङ यारापचेनगी घो़ घो़नघो़।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

तीतोस 1:8

हीना खो डो़नला फेप्‍सु श्‍यी़येला घागीन धाङ ले शाङपो झ्‍यीयेला घागीन धाङ राङ छो़ शीम्‍गीन धाङ ढाङपो धाङ धाम्‍पा धाङ च्‍यो़पा ढुङा झ्‍युङ घो़गीलाक।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

तीतोस 2:2

मी गेम्‍पाक्‍या राङ छो़ शीम्‍गीन धाङ याराप धाङ साम्‍लो थोङा धेनी धेपा धाङ झाम्‍पा धाङ शो़पाला तेन्‍पो हुङघो़गीलाक ॱनेरी स्‍यो़क।

तीतोस 2:4

देरे झ्‍यीना खुङक्‍याई केमी नाच्‍युङमाक्‍याला राङ ख्‍योवा धाङ टुवाक्‍याला चेवा झ्‍यीये धाङ

तीतोस 2:6

दे च्‍योक्‍रे श्‍यो़न्‍पाक्‍याला साम्‍लो थोङा झ्‍युङयेला, ॱलोप्‍चुङ ग्‍याप घो़गीलाक।

याकोब 4:7

होझ्‍येरी राङला को़न्‍क्षोकगी क्षाक होकला पु। धी़कला ङोलोक झ्‍यी। धेनी खो खेक्‍याने डो़री डोगीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।

ॱङो़न्‍पा 12:12

होझ्‍येरी नाम्‍खे श्‍यीङखाम, धाङ होदुरु श्‍युक्‍कीन खेक्‍या घाटो झ्‍यी। हीना साश्‍यी धाङ ग्‍याछो दे, ॱङ्यावाली। घीझ्‍येरी ॱनाना राङगी धी़चो़ ङ्युङा हो़गीनगो स्‍येरी, धी़कगो खोङडो क्षे लारी, खीकीचारु माला हो हो़तालाक।”

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।