१ पेटो 5:3 - ॱलोवा

³ खेक्‍याई लेगेनला हो़गीनक्‍या खाला आङजा झ्‍येरी मेन्‍दा, हीना लुकख्‍युक्‍याई क्षीला पे झ्‍युरी छोक्‍योङ झ्‍यी।

१ पेटो 5:3 Iomraidhean Croise

योहान्‍ना 13:15

घीझ्‍येरी ॱनाना ङी खेक्‍याला झ्‍यीगीन च्‍योक्‍रे, खेक्‍या होदेरेराङ झ्‍यीघोयेगी क्षीला ङी खेक्‍याला पे च्‍यीक तो़न हो़क।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ कोरीन्‍थुपा 11:11

घीहीन्‍ना चोवोगी नाङ केवे-भोमो नी, केवे-भुला रा मेली़गीन धाङ केवे-भु नी केवे-भोमोला रा मेली़गीन मेयोङालाक।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

फीलीप्‍पीपा 3:17

पी़नक्‍याओ, ङाला पे श्‍याक्‍ती मीछे पी़ धेनी हीकी मीछेला खेक्‍याई थोथा पे च्‍योक्‍रे, मीछे पी़गीनक्‍याला श्‍यीप्‍ता झ्‍यी।

फीलीप्‍पीपा 4:9

खेक्‍याई ङाने घी ज्‍याङगीन धाङ खेलेन झ्‍यीगीन धाङ ङेन्‍गीन धाङ थोङगीन लाबक्‍या, राङगी मीछेला लाक्‍लेन झ्‍यी। धेनी श्‍यीदेगी को़न्‍क्षोक खेक्‍यामुला श्‍युक्‍वा जेगीलाक।

१ थेसालोनीकेपा 1:7

होझ्‍येरी माकेडोनीया धाङ आकाईयारु हो़गीन, धेपा झ्‍यीगीन घीरीगी क्षीला, खेक्‍या पे झ्‍युदुक।

२ थेसालोनीकेपा 3:9

हेक्‍या हुरे झ्‍यी छोक्‍येला आङजा मेगीन मालाक हीना खेक्‍या हीकी लेमो झ्‍यीयेला पे तो़न्‍येला झ्‍येवी।

१ तीमोथेउ 4:12

ख्‍यो़ श्‍यो़न्‍पा झ्‍येरी, सी़या ख्‍यो़ला थोङछुङ झ्‍यीरु ॱमाच्‍युक हीना धेपा झ्‍यीगीनक्‍याई दोङदु, ख्‍यी़ ङाक धाङ चो़पा धाङ झाम्‍पा धाङ धेपा धाङ चाङमे गोने राङला पाङपो च्‍यीक तो़न।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।