१ पेटो 5:14 - ॱलोवा

¹⁴ च्‍यीकगी च्‍यीकला झाम्‍पे ओगी छाम्‍डी श्‍यी़। मास्‍यीका नाङ हो़गीन खेक्‍या घीरीला श्‍यीदे हुङास्‍योक।

१ पेटो 5:14 Iomraidhean Croise

मेथा 5:47

धेनी राङगी पी़नक्‍याला च्‍यीगा छाम्‍डी श्‍यी़ना, ख्‍यी़ मी श्‍येम्‍माने ल्‍हाक घी झ्‍यीदी से? धेपा मीझ्‍यीगीनक्‍याः देरेराङ मीझ्‍यीदाई?

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 20:19

धी़न्‍डागी ङीमा धाङपोगी घोमोगो ङेनेक्‍या याहुदापा गोठीक्‍याला जीक्‍ती, घो ग्‍याप्‍ती धे हो़तालाक। धेनी येशु खुङक्‍या घुङदु फेप्‍ती खुङक्‍याला सुवालाक, “खेक्‍याला श्‍यीदे हुङास्‍योक।”

योहान्‍ना 20:26

श्‍याक्‍मो ग्‍ये स्‍याम्‍ने खोङबागी ङेनेक्‍या याङ होदे खाङबा नाङदु हो़तालाक धेनी थोमागोवा खुङक्‍यामुला हो़तालाक। घोगो ग्‍याप्‍हो़नाः, येशु खुङक्‍याई घुङदु फेप्‍ती सुवालाक, “खेक्‍याला श्‍यीदे हुङास्‍योक!”

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 16:16

धेनी च्‍यीकगी च्‍यीकला धाम्‍पे ओगी छाम्‍डी श्‍यी़। मास्‍यीकागी क्षो़छोक हो़लेगी खेक्‍याला छाम्‍डी श्‍यी़क।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 16:20

पी़न घीरीगी खेक्‍याला छाम्‍डी श्‍यी़क। च्‍यीकगी च्‍यीकला धाम्‍पे ओगी छाम्‍डी श्‍यी़।

२ कोरीन्‍थुपा 13:12

च्‍यीकगी च्‍यीकला धाम्‍पे ओगी छाम्‍डी श्‍यी़।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

एफीसुपा 6:23

याप को़न्‍क्षोक धाङ चोवो येशु मास्‍यीकाने पी़नक्‍याला, श्‍यीदे धाङ धेपाला तेन्‍पे झाम्‍पा थोप्‍पास्‍योक।

१ थेसालोनीकेपा 5:26

पी़न्‍दा घीरीला झाम्‍पागी थोक्‍ने, धाम्‍पे ओगी छाम्‍डी श्‍यी़।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

३ योहान्‍ना 1:14

ङा ख्‍यो़ला ग्‍योक्‍वा थुक्‍येगी रेवा हो़क धेनी ङो थुक्‍ती लाब ताङु।