१ पेटो 5:10 - ॱलोवा

¹⁰ धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ पेटो 5:10 Iomraidhean Croise

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 15:5

धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 9:11

धेनी टु छीब्‍रु दे ॱङीउ ॱमाके एन्‍लाराङ धेनी शाङा-ङेन्‍पा घीया माझ्‍ये एन्‍ला, को़न्‍क्षोकगी राङगी थुकोङला तेन्‍दी रेबीकाला देरे सुवालाक, “भीजा क्षेगी च्‍युङाला श्‍याप्‍ची श्‍युगीलाक।” दी दो़न नी, खोङगी दामा जेगीनगो लेने मेन्‍दा हीना राङगी भो़ जेगीनला तेन्‍दी डुप्‍येगी क्षीदु लाक।

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 1:9

को़न्‍क्षोक नी ॱलोते छोक्‍पा हो़तालाक। धेनी खोङगीराङ खेक्‍याला राङगी से, होरी चोवो येशु मास्‍यीकामुला ङ्याम्‍ढेल जेयेगी क्षीला भो़ जेपालाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

२ थेसालोनीकेपा 2:14

होरी चोवो येशु मास्‍यीकागी शीजे थोप्‍येला हीकी ताम्‍शाङगी थोक्‍ने, को़न्‍क्षोकगी खेक्‍याला दो़न देगी क्षीला भो़ जेपालाक।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

२ थेसालोनीकेपा 3:3

हीना चोवो नी, ॱलो का थुप्‍कीनगी चोवो लाक। खोङबागी खेक्‍याला तेन्‍पो जेगीलाक धेनी ङेन्‍पाने ॱरुङा जेगीलाक।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ पेटो 1:15

हीना खेक्‍याला भो़ ॱनाङगीनगो धाम्‍पा हीन्‍गीन च्‍योक्‍रे, खेक्‍या राङगी चो़लाम घीरीला धाम्‍पा झ्‍युङ,

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,