१ पेटो 5:1 - ॱलोवा

¹ ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ पेटो 5:1 Iomraidhean Croise

लुका 24:48

दे लाबक्‍याई पाङपो खेक्‍या लाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 11:30

देरे झ्‍येरी होदे आलेगो क्षो़छोकगी गोठीक्‍याला पुयेला, बारनाबा धाङ साउलगी लागाला कुरपालाक।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

जेपा 15:4

खुङक्‍या येरुसालेमदु ॱलेप्‍ती, क्षो़छोकगी मीक्‍या धाङ कुछापक्‍या धाङ गोठीक्‍याई, खुङक्‍याला फेप्‍सु श्‍युवालाक। धेनी खुङक्‍याई थोक्‍ने, को़न्‍क्षोकगी जेगीन घीरी स्‍येपालाक।

जेपा 15:6

कुछापक्‍या धाङ गोठीक्‍या लाब दे कोरला ढो़ झ्‍यीयेला जोम्‍बालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 20:17

धा मीलेतु ग्‍याजाने पाउलुगी एफीसु ग्‍याजागी क्षो़छोकगी गोठीक्‍याला भो़रु झावालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 21:18

ॱङेटोगो पाउलुगी हेक्‍याला याकोबचारु ठीक्‍ती लाजुङ। याकोबगी नाङला क्षो़छोकगी गोठी घीरी जोम्‍दी धेदुक।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

फीलीप्‍पीपा 1:19

घीझ्‍येरी ॱनाना खेक्‍याई ॱमो़लाम धाङ येशु मास्‍यीकागी थुक्‍ङीगी रोक्‍रामने, ङाला घी झ्‍युङगीनगो ङी थारपागी क्षीदु झ्‍युङगीलाक ॱनेरी, ङाला स्‍येयेहो़क।

१ तीमोथेउ 5:1

मी घेबोला छीक चुवा ॱमाना हीना राङगी आकी च्‍योक्‍रे, चीरी श्‍यी़भो़ ग्‍योप। धेनी श्‍यो़न्‍पाक्‍याला नोक्‍या च्‍योक्‍रे,

१ तीमोथेउ 5:19

पाङपो ॱङी याङना सुम मेगीन थुक्‍पे, गेम्‍पा च्‍यीकला क्‍यो़न काकागोला ॱमाची।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 1:5

लेगा लेरी धेतागो डुप्‍तु च्‍युक्‍ये धाङ ग्‍याजा घीरीदु, ङी ॱनेना च्‍योक्‍रे गोठीक्‍या दाम्‍येला, ङी ख्‍यो़ला केरेटदु भोरपे।

फीलेमोन 1:9

झाम्‍पे केनगी ङा ख्‍यो़ला श्‍योवा पुलाहीन, ङा मी घेबो पाउलु, मास्‍यीका येशुगी दो़न्‍दु चो़न्‍पा च्‍यीक,

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

२ योहान्‍ना 1:1

ङा गेम्‍पाने, को़न्‍क्षोकगी दामा जेजा भोमो धाङ मी़ टुवाक्‍याला, यीक दे ढीयाहीन। खेक्‍याला ङी ॱङोन्‍नेगी चेवा झ्‍यीदीहो़क धेनी ङा च्‍यीगा मेन्‍दा, हीना धेन्‍पा ङोस्‍येगीन घीरीगीया खेक्‍याला चेवा झ्‍यीदालाक।

३ योहान्‍ना 1:1

ङी ॱङोन्‍नेगी चेवा झ्‍येजा, ङी चेवे रोवा गायुला, ङा गेम्‍पाने यीक दे ढीयाहीन।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।