9 धेनी दुकेक माग्यावा च्यीकगी च्यीकला डो़न्बो सी़।
मास्यीकावा पी़नक्या नाङ मेगीनगोला, रोक्राम झ्यी। धेनी डो़न्बोक्याला फेप्सु श्यी़।
धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्याला छाम्डी श्यी़क। धेनी ग्याजागी ॱङेरपा ईरासीतु धाङ नो कोआरतोसगी, खेक्याला छाम्डी श्यी़क।
मी रे-रेगी राङगी मेदो़दा धेनी हुदुक्ती मेन्दा, हीना राङगी सेमगी थाक्चो़चाने राङ श्यान्देप पुघो़। घीझ्येरी ॱनाना ङ्यामो घेरी पुगीनगोला को़न्क्षोक थुक्ङेउ जेदालाक।
हुदुक याङना चो़लीङ मीझ्यीदा लेगा घीरी झ्यी।
होझ्येरी क्षो़छोकगी तातोक्पागो क्यो़न्जुक घीया मेगीन धाङ केमी च्यीकगी ख्योवा, साम्लो थोङा, छो़ शीम्गीन धाङ याराप शाङा धाङ डो़न्बो सुयेला घागीन धेनी ॱलोपो़न झ्यीयेला खेवा हो़गीन,
हीना खो डो़नला फेप्सु श्यी़येला घागीन धाङ ले शाङपो झ्यीयेला घागीन धाङ राङ छो़ शीम्गीन धाङ ढाङपो धाङ धाम्पा धाङ च्यो़पा ढुङा झ्युङ घो़गीलाक।
हीना ख्यी़ ले शाङागो उजुक झ्येरी मेन्दा, खेरी राङगी दो़पागी झ्यीयेगी क्षीला, ङी ख्यी़ साम्सु ॱमास्येवा घीया झ्यीये मादो़।
ले शाङा झ्यीये धाङ राङला हो़गीनगो, श्येम्माक्यामुला घो़येला ढेन्बा माजे घीझ्येरी ॱनाना देरे क्षो़पाक्याला राङ को़न्क्षोक थुक्ङेउ जेदालाक।
डो़न्बोक्याला नाङदु फेप्सु श्यी़येला, ढेन्बा माझ्ये घीझ्येरी ॱनाना देरेराङ झ्येरी, खेक्याने रीङगागी ॱहामाघोवाला नाम्खे भाङछेनक्याला फेप्सु श्यी़ हो़तालाक।
पी़नक्याओ, खेराङक्याला ठीम ॱमेफोक्येगी क्षीला, खेराङक्या घुङदु फाक्तुङ मादुङ। तो़दाङ, ठीम्पो़न नी घो डामदु श्याङदुक।
