१ पेटो 4:8 - ॱलोवा

⁸ दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

१ पेटो 4:8 Iomraidhean Croise

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

ईब्‍रीपा 13:1

खेक्‍या च्‍यीकगी च्‍यीकला पी़न्‍दा च्‍योक्‍रे, च्‍योई झाम्‍पा झ्‍यीघो़।

याकोब 5:12

हीना ङी पी़नक्‍याओ, घीरीने चा क्षेस्‍योकगो, नाम्‍खे श्‍यीङखाम याङना साश्‍यी याङना श्‍येम्‍मा घीया पाङदु चुक्‍ती, ॱना ॱमाक्‍या हीना क्षेपा ॱमेफोक्‍येगी क्षीदु, खेक्‍याई हीनगो हीन धेनी मेनगो मेन हुङघो़।

याकोब 5:20

होदे नोरवा लामने छुला ॱलोक्‍ती ठीक्‍ती हुङगीनगी, होदे मीगी सेम छीवाने क्‍योप्‍कीलाक धेनी खी़ धीक्‍पा माङा सेगीलाक ॱनेरी, खेक्‍याई स्‍येघो़।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

३ योहान्‍ना 1:2

चेवे रोवाओ, ख्‍यी़ सेम्‍ङीला थाङा हो़गीन च्‍योक्‍रे, दो़न घीरीला ख्‍यो़ला शाङा हुङये धाङ ख्‍यी़ ली़ थाङा हुङास्‍योक ॱनेरी, ङा ॱमो़लाम ग्‍यावीहो़क।