१ पेटो 4:7 - ॱलोवा

⁷ दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 4:7 Iomraidhean Croise

मेथा 24:42

“होझ्‍येरी खीकी चोवो नाम फेप्‍कीलाक ॱनेरी, खेक्‍याई ॱमेस्‍येगीन झ्‍येरी चाङजे धो़क।

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 21:36

हीना हुङये झ्‍यीगीन दे घीरीने थारये धाङ मी-भुगी डुङदु लारी धे थुप्‍येगी क्षीला, च्‍योई सोवा ग्‍याप्‍ती च्‍याङजे झ्‍येरी धो़क।”

लुका 22:46

धेनी खोङबागी खुङक्‍याला सुवालाक, “खेक्‍या घीझ्‍येरी ङ्यारी धेदाले? लोङ धेनी छो़ताला ॱमीछी़येगी क्षीदु सोवा ग्‍योप।”

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 4:5

खीकी च्‍यो़पा ॱङ्यामच्‍युङ हो़गीनगो, मी घीरीला स्‍येरु च्‍युक। चोवो फेप्‍ये हीन्‍गीनगो ङ्येदुक।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 9:26

देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 3:7

ख्‍योवाक्‍याओ, देरेराङ झ्‍येरी राङगी केमीमुला साम्‍लो थोङा झ्‍युरी मीछे क्‍यो। धेनी को़न्‍क्षोकगी ॱनाङना मीछेगी थुक्‍जे नाङला, ख्‍यी़मुला खुङक्‍या ग्‍युज्‍यीन हीन्‍गीन झ्‍येरी, मो रोवा क्‍योवा च्‍यीक हीन्‍ना मोला कुरती झ्‍यी। धेनी खीकी ॱमो़लामला घीयाः भारचे हुङगीमालाक।

१ पेटो 5:8

खेक्‍याराङ छो़ शीम्‍दी, च्‍याङजे झ्‍यी। खेक्‍याई डा हीन्‍गीन धी़क नी, ङारके तो़न्‍गीन सीङगे च्‍योक्‍रे, सुला ॱङेदी शागुनाङ ॱनेरी चारी ग्‍युक्‍वालाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”