१ पेटो 4:5 - ॱलोवा

⁵ हीना सो़न्‍पो धाङ स्‍यीम्‍पो ॱङीगी ठीम्‍चो़ ॱनाङयेला डाढीक हो़गीन, खोङबाला खुङक्‍याई ची पु घोगुलाक।

१ पेटो 4:5 Iomraidhean Croise

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

लुका 16:2

धेनी खी़ ॱङेरपागोला भो़री ॱनेवालाक, ‘ख्‍यी़ कोरला ङी घोरकीन दे घी ले? ख्‍यी़ लेगा झ्‍येजागी चीगो ङाला तेर घीझ्‍येरी ॱनाना धीरीङने ॱहाला, ख्‍यो़ ङी ॱङेरपा झ्‍युङगुमालाक।’

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।