१ पेटो 4:4 - ॱलोवा

⁴ धा धान्‍दा खेक्‍या खुङक्‍यामुला क्षोमेगीन च्‍यो़पा ङेन्‍पाला ॱमेथेगीन झ्‍येरी, खुङक्‍या ॱहालेरी खेक्‍याला ॱमेटा ताङालाक।

१ पेटो 4:4 Iomraidhean Croise

मेथा 23:25

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या फोरा धाङ देरमागी फीगो चाङमा झ्‍यीदालाक हीना नाङगोला सो़न्‍ना धाङ राङदो़गी खारी धेदालाक।

लुका 15:13

धेनी श्‍याक्‍मो तीते स्‍याम्‍नेराङ, भीजा च्‍युङागो ग्‍युनोर घीरी खेरती, थाकरीङागी यु च्‍यीकला सोवालाक। धेनी होदुरु खोरी ग्‍यु घीरी ङ्याम तारी ॱयावालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

जेपा 18:6

हीना खुङक्‍याई पाउलुला खेमेलेन्‍दा ॱमेटा तावालाक। धेनी पाउलुगी खोरी घो़ पी़दी होदेगी थाला ॱरुक्‍ती ॱनेवालाक, “खेक्‍याला छेपा फोक्‍ना, खेरी घोवालाराङ फोक्‍कीलाक। ङी क्‍यो़न घीया मेक। धा देने ॱहाला, ङा याहुदापा मेन्‍गीन मीरीकक्‍या चारु डोयेहीन।”

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।

२ पेटो 2:12

हीना दे मीक्‍याई राङगी ॱहामेघोगीन दो़नक्‍याला कुरवा धेप्‍पालाक। देक्‍या नी शीम्‍दी सेयेगी क्षीदु, च्‍यीगा केक्‍या रीक्‍पा मेगीन धाङ राङदो़गी च्‍यो़पा झ्‍यीगीन सेम्‍चेनक्‍या च्‍योक्‍रे लाक। धेनी सेम्‍चेनक्‍या च्‍योक्‍रे खुङक्‍याः मेताला डुगीलाक।

२ पेटो 2:22

खुङक्‍या नी धेन्‍पा पे देगी पाङपो लाक, “की राङगी क्‍युकला लोक्‍ती हुङालाक।” धेनी “शु ठी़ठा फाक्‍पा, दाम्‍बालाराङ चेमो चेरु डोवालाक।”

युदा 1:10

हीना दे मीक्‍या राङगी ॱमेस्‍येगीन लाबक्‍या, घीरीला कुरवा धेबालाक धेनी रीक्‍पा मेगीन धी़डोक्‍या च्‍योक्‍रे राङगी थेगीनगोराङ झ्‍येरी, खुङक्‍या मेताला डुगीलाक।